Shkarkohet shefi ekzekutiv i General Electric

Një vit pasi pranoi postin si shef ekzekutiv i General Electric, John Flannery, u “tërhoq” befasisht nga posti dhe kompania do të marrë një pagesë prej 23 miliardë dollarë në lidhje me problemet që po përballet biznesi.

Largimi i Flannery vë në pyetje planet për të riorganizuar një nga korporatat më të njohura të Amerikës. Ai kishte premtuar të rindërtonte General Electric në një kompani më të madhe e të mprehtë, duke shkurtuar vendet e punës dhe duke hequr dorë nga disa biznese. Aksionet e kompanisë u rritën 15 për qind përpara hapjes.

Sipas CNBC, përcjell Telegrafi, largimi i Flanneryvjen nga “ritmi i ngadalshëm i ndryshimit” nën udhëheqjen e tij. Flannery do të zëvendësohet nga Lawrence Culp Jr., i njohur për rikthimin e Danaher, i cili kishte mbështetjen e Bordit.

Kompania e cila u godit nga problemet që pati me gjeneratën e fundit të turbinave me gaz, shënoi një humbje prej 10 miliardë dollarësh vitin e kaluar. Kompania tha se pavarësisht dobësisë në biznesin e saj të energjisë nuk do të mungonte udhëzimi i treguar më parë për rrjedhën e lirë të parasë dhe të ardhurat për aksion për 2018. /Telegrafi/