Përfundon marrja në pyetje e dëshmitarit të mbrojtur në rastin “Monstra”, Raufi: Dëshmitari i mbrojtur është i rrejshëm (Video)

Gjykimi për rastin “Monstra” të Prokurorisë Speciale, ka vazhduar sot me marrjen në pyetje të dëshmitarit të mbrojtur.

Fejzi Aziri, njëri nga të akuzuarit i parashtroi disa pyetje dëshmitarit “E1” në lidhje me kohën që pohon dëshmitari se e ka parë atë në vendin e ngjarjes, përcjell Telegrafi Maqedoni.

Më pas Aziri, duke ju referuar përgjigjeve të mëhershme të dëshmitarit të mbrojtur konstatoi se ai ka zbuluar detaje të reja dhe shtoi se ai është dëshmitar i rrejshëm.

Ndërsa prokurorja Fatime Fetai tha se dëshmitarit të mbrojtur më herët nuk i janë bërë pyetje konkrete në lidhje me dëshminë për krismat më 12 prill të vitit 2012.

Pas përfundimit të seancës avokati i të akuzuarve, Naser Raufi tha se dëshmitari i mbrojtur është i rrejshëm dhe i kurdisur.

“Nga dëshmitë e sotme ranë në ujë se ai ka dëgjuar krismat, ndërsa mendoj se është përgjigjur se edhe i ka parë kush ka gjuajtur, por u mendua dhe nuk dëshiroi të tregon. Unë jam i sigurt se ai e di kush ka gjuajtur me armë, por nuk e di se për çfarë arsye ai nuk tregon kryerësit e vërtetë të kësaj vepre”, tha Raufi.

Ai shtoi se nga dëshmitë e sotme kanë dalur momente të reja, që sipas tij tregojnë se të akuzuarit në këtë rast nuk lidhje me vrasjen e pesëfishtë./Telegrafi/