“Trump i referohej kryeministrit malazez si një ‘lavire e dështuar’” (Video)

Presidenti i SHBA-ve, Donald Trump, i është referuar kryeministrit të Malit të Zi, Dushko Markoviç si “një lavire e dështuar” pas samitit të vitit të kaluar të NATO-s.

Kështu së paku, siç shkruajnë mediat e huaja, përcjell Telegrafi, ka thënë ish-asistentja në Shtëpinë e Bardhë, Omarosa Newman, në librin e saj.

Presidenti amerikan dyshohet se ka bërë komentin nënçmues pas një videoje virale ku shihet ai duke shtyrë Markoviçin mënjanë, veprim që ka provokuar edhe kritika në mediat sociale.

“E pyeta: Ju u treguat pak agresiv, pse e bëtë këtë?”, Shkruante Manigault Newman.

“Oh, ai është vetëm një lavire e dështuar”, citohet të jetë përgjigjur Trump, sipas ish-ndihmëses së tij, e cila u shkarkua në dhjetor të vitit 2017.

Trump u kritikua edhe këtë vit kur e përshkroi Malin e Zi si “një vend shumë të vogël me njerëz shumë të fortë”, të cilët mund të fillojnë Luftën e Tretë Botërore.

Ndërsa duke reaguar ndaj librit të Manigault Newman, Trump e quajti “qen”, e cila ishte “shkarkuar shpejt”. /Telegrafi/

https://www.youtube.com/watch?v=PY-8qp7FY_s