Pas publikimit të videos së turisteve të veshura me “rroba dhe vallëzim provokues” para xhamisë, autoritet në Malajzi ua ndalojnë vizitat turistëve (Video)

Pas publikimit të një video ku shihen dy turiste të veshura me pantallona të shkurtra dhe bluzë pa mëngë duke bërë “vallëzim provokativ” para xhamisë, autoritetet përkatëse kanë ndërmarrë masa duke ua ndaluar vizitën në këtë vend të shenjtë.

Videoja që është bërë virale, shfaq vajzat duke vallëzuar para xhamisë në qytetin Kota Kinabalu në Malajzi. Si rezultat i këtij veprimi, banorët e kësaj zone u kanë ndaluar vizitën të gjithë turistëve, transmeton Telegrafi.

Kombësia e këtyre vajzave në video që sipas pamjes fizike duket se janë nga Azia nuk dihet, por besohet se janë të huaja. Derisa ato vallëzonin, kalimtarët e shokuar me veprimin e tyre pyesnin me zë të lartë: “pse vallë nuk po rrëzohen nga muri”.

Zëdhënësi i xhamisë, Jamal Sakaran e ka cilësuar si të “papranueshëm veprimin e turisteve të huaja”, si dhe ka njoftuar se përkohësisht u është ndaluar vizita turistëve që vizitojnë këtë xhami. /Telegrafi/