Veterinarët në Maqedoni kërkojnë ulje të TVSH-së për shërbimet dhe barërat

Mjekët veterinarë kërkojnë ulje të tatimit të vlerës së shtuar (TVSH) për shërbimet veterinare dhe preparatet veterinare-mjekësore (barërat) prej 18 në pesë për qind. Këtë kërkesë gjatë katër viteve të fundit disa herë e kanë parashtruar në Ministrinë e Financave, por epilog pozitiv akoma nuk ka.

Ata ankohen se tani janë tatimuar si floktarë dhe specialistët e kozmetikës, në vend se të barazohen me veprimtarinë e shëndetësisë dhe bujqësisë.

“Ulja e shkallës tatimore nuk do të ketë implikime të dukshme fiskale ndaj buxhetit shtetëror për çla kemi përgatitur edhe studim profesional, ndërkaq imputi do të ishte shumë i madh për zhvillim të profesionit të veterinarisë dhe për ofrimin e shërbimeve më cilësore veterinare-shëndetësore, që, ndërkaq, do të reflektohet edhe ndaj prodhimit bëegtoral dhe ndaj shëndetit publik”, thotë për MIA-n kryetari i Odës së veterinarëve, Tomisllav Nikollovski.

Sipas tij, me uljen e tatimit dukshëm do të ulet edhe futja e barërave të apregjistrura të cilat lëshohen në qarkullim në mënyrë ilegale.

Veterinaria është profesion shëndetësor dhe paraqet hallkë shumë të rëndësishme në prodhimin blegtoral. “Nëse jemi diku mes sektorit shëndetësor dhe atij bujqësor, ndërkaq që ata kanë shkallë të autorizuara tatimore, atëherë edhe ne duhet të trajtohemi në mënyrë të tillë, e jo kurrsesi, si deri më tani”, potencoi Nikollovski.

Profesioni i veterinarisë mban shpresë tek drejtori aktual i Agjencisë për ushqim dhe veterinari (AUV), i cili, pas shumë viteve, është njeri i profesionit.