Truqe të shkëlqyeshme që bimët shtëpiake të jenë më të bukura se kurrë më parë!

A e keni ditur që majoneza dhe çaji mund t’i bëjnë bimët tuaja shtëpiake më të shëndetshme dhe më të bukura?

Kur të vendosni se ku do t’i lini bimët, kini parasysh që dritaret e kthyera nga jugu marrin shumë më tepër dritë se sa ato nga veriu, transmeton Telegrafi.

Bimët me ngjyra të zjarrta të fletëve kërkojnë më shumë dritë se të tjerat, ndërkaq nëse çdo ditë e sillni përgjysmë vazon me bimë, do ta përmirësoni orën e saj të barabartë.

Nëse bimët në banesën tuaj thahen shpejt pas ujitjes, zhvendosni në vazo të re dhe para se të vendosni dheun dhe plehun, në fund vendosni një sfungjer të lagur.

Ai do të shërbejë si rezervë uji dhe do të pengojë tharjen, por edhe tepricën e ujit.

Për të qenë bimët tuaja sa më të shëndetshme dhe të bukura, përdorni ndonjëherë edhe çajin.

Pra, çaji apo fletët e njomura të çajeve janë ushqim i shkëlqyeshëm i bimëve dhe dheut i krijojnë injeksion vitaminoz.

Po ashtu, mos hidhni mbetjet e sodës së bikarbonatit dhe vezët. Mineralet nga soda e bikarbonatit ndihmon rritjen e bimëve të gjelbra, mirëpo për efekt më të mirë praktikoni këtë truk një herë në javë.

Kur është fjala për vezët, pasi që t’i zieni, me ujin në të cilin keni zier ujitni lulet tuaja, sepse uji i tillë përmban materie ushqyese.

Nëse banesën tuaj e zbukurojnë bimët e larta të cilat janë mjaft të rënda për t’i lëvizur, nën kavanoz vendosni bazën e minjve që të shmangni gërvishtjen dhe dëmtimin e dyshemesë dhe më lehtë do t’i lëvizni bimët gjatë kohës së pastrimit.

Për shkëlqim perfekt të fletëve përzieni ujin e ngrohtë me qumësht, njomeni në të një copë pëlhure dhe kalojeni sipër çdo flete.

Pos këtij kombinimi, shkëlqimi i fletëve mund të arrihet edhe me ndihmën e majonezës, e cila fërkohet me leckë letre.

Shkëlqimi perfekt me siguri do të zgjat disa javë, madje edhe disa muaj. /Telegrafi/