Trump denoncon gruan që e ka akuzuar atë për abuzim seksual

Presidenti amerikan Donald Trump denoncoi të martën Rachel Crooks si dhe ‘Washington Post’-in për botimin e një artikulli që lidhet me akuza seksuale ndaj tij. Rachel Crooks është një nga 19 gratë që e kanë akuzuar Trump për sulme seksuale.

Artikulli në ‘Washington Post’ ofron një tregim të detajuar të asaj çka pretendohet të ketë bërë Trump. Në shkrim thuhet se në 11 janar të vitit 2006, Trump e puthi me forcë Rachel Crooks-in, në atë kohë 22-vjeç, ndërsa të dy ishin duke pritur për një ashensor në ‘Trump Tower’ në Nju Jork, shkruan VOA.

Trump këto pretendime i ka mohuar në një koment në Twitter.

“Një grua që unë nuk e njoh dhe që kurrë nuk e kam takuar, ka dalë në faqen e parë të lajmeve të rreme të Washington Post-it duke thënë se unë e kam puthur (për dy minuta) në hollin e Trump Tower 12 vjet më parë. Kjo nuk ka ndodhur kurrë! Kush do ta bënte këtë në një hapësirë publike dhe nën vëzhgimin e kamerave të sigurisë? Një tjetër akuzë e rreme! Pse Washington Post-i raporton historinë e grave që marrin para për të sajuar histori rreth meje? Njëri i pagoi kredinë e shtëpisë asaj. Vetëm FoxNews-i e raportoi… dhe kjo nuk i përshtatet rrëfimit të mediave kryesore“, shkruan ai.

A woman I don’t know and, to the best of my knowledge, never met, is on the FRONT PAGE of the Fake News Washington Post saying I kissed her (for two minutes yet) in the lobby of Trump Tower 12 years ago. Never happened! Who would do this in a public space with live security……

— Donald J. Trump (@realDonaldTrump) February 20, 2018

….cameras running. Another False Accusation. Why doesn’t @washingtonpost report the story of the women taking money to make up stories about me? One had her home mortgage paid off. Only @FoxNews so reported…doesn’t fit the Mainstream Media narrative.

— Donald J. Trump (@realDonaldTrump) February 20, 2018

Në përgjigje të komenteve të presidentit republikan, Rachel Crooks, i cila do të kandidojë për demokratët për një vend në Dhomën e Përfaqësuesve, sfidoi Trumpin duke i kërkuar të publikohen videon e ngjarjes së dyshuar.

“Ju lutem, patjetër, publikoni pamjet e korridorit të ashensorit në katin e 24-të, në mëngjesin e 11 janarit 2006. Le ta qartësojmë këtë për të gjithë. Janë gënjeshtarët si ju në politikë që më kanë bërë të kandidoj”, tha ajo.

Shumica e akuzave nga gratë e tjera për abuzim seksual ku përshkruhen incidentet që përfshijnë pesë dekada, u bënë pasi zoti Trump nisi fushatën për president në vitin 2015.

Trump i ka mohuar vazhdimisht akuzat, duke i quajtur ato ‘tërësisht trillime’. Para disa kohësh ai shkroi në Twiter se “askush nuk ka respekt për gratë më shumë se ai”. /Telegrafi/