Në Greqi vendoset për ekstradimin e Grujevskit dhe Boshkovskit

Kërkesa për ekstradimin e Goran Grujevskit, ish-shef i Drejtorisë së pestë dhe Nikolla Boshkovski nga DSK-ja, është në duart e Prokurorisë në Selanik.

Prokuroria greke në Selanik disa ditë po i shqyrton akuzat, rivlerëson provat dhe vërteton se për çfarë i kërkon të dyshuarit drejtësia maqedonase për ti gjykuar.

Nga Komiteti grek për bashkëpunim ndërkombëtar, për TV 24 kanë vërtetuar se dokumentacionin është duke e shqyrtuar organi gjegjës. Se kur do të ekstradohen dy agjentët të cilët Maqedonia i kërkon për ti dënuar për aferën e përgjimeve, do të vendos Prokurori përkatës.

“I kemi pranuar dokumentat para disa ditëve dhe ato janë dërguar te prokurori në Selanik, por më shumë informacione për rreth lëndës nuk mund t’ju japim”, thonë nga Komiteti për bashkëpunim ndërkombëtar gjyqësor.

Në ndërkohë, dy të akuzuarit po i kalojnë ditët në burgun hetues në Selanik ku po vuajn paraburgim ekstradues dhe presin që më 1 dhjetor të gjykohen edhe në Greqi për posedimin e pasaportave të falsifikuara bulgare.

Nuk përjashtohet mundësia që në ndërkohë të kërkojnë azil politik në Greqi, ndërsa pritet që edhe në gjykimin e 1 dhjetorit në gjykatën e Selanikut të thirren në persekutim politik./Telegrafi/