Samiti digjital, mundësi e mirë për prezantimin e IT sferës së Maqedonisë

Në Samitin digjital për vendet e Ballkanit Perëndimor, organizator i së cilit do të jetë Maqedonia në pranverë, është paraparë pjesë e ekspozimit, ku kompanitë digjitale do të kenë mundësi që t’i prezantojnë realizimet e tyre.

Kjo, sipas ministrit të Shoqërisë Informatike dhe Administratës, Damjan Mançevski, do të paraqesë mundësi të vetme për pronarët e Maqedonisë të IT kompanive, IT institucione arsimore, inovatorë dhe sipërmarrës, ta prezantojnë punën e tyre dhe të realizojnë bashkëpunim me liderët nga kjo sferë në rajon, si dhe ta zgjerojnë biznesin e tyre në rajon dhe në BE.

Mançevski sot në takim me përfaqësues të biznes sektorit, bashkësisë akademike dhe shoqërisë civile ka informuar për mbajtjen e Samitit digjital për vendet e Ballkanit Perëndimor dhe ka theksuar se angazhimet e Qeverisë nuk janë që të punojë vetëm, por së bashku me të gjithë palët e përfshira.

Ka dërguar porosi deri tek të gjithë ata që mund të kontribuojnë dhe të përfshihen në procesin e organizimit të Samitit. Vetëm në këtë mënyrë, ka theksuar, Samiti digjital do të paraqesë shembull pozitiv dhe model që do ta ndjekin edhe vendet e tjera në rajon./Telegrafi/