Momenti kur një burrë josh fëmijët me petulla, për t’i futur brenda furgonit të tij (Video)

Një nënë e frikësuar deri në palcë ka publikuar në internet pamjet, ku shihet se si një burrë që ishte brenda një furgoni para shtëpisë, mundohet t’i josh tre fëmijët e saj me petulla për t’i kidnapuar më pas.

Rechelle Haigh 26-vjeçe, ka paralajmëruar të gjithë fqinjët që banojnë në atë lagje të jenë më të vëmendshëm, pasi një burrë i paidentifikuar ka filluar të shëtisë me furgon nëpër lagje, duke u munduar t’i josh me petulla fëmijët që luajnë nëpër oborre të cilët  më pas i lut të futen në furgon, transmeton Telegrafi.

Kamerat e sigurisë të instaluara brenda shtëpisë së saj, kanë filmuar momentin kur fëmijët Sade, Ameya dhe Roxie, po luanin në trampolinë.

Disa sekonda më pas shfaqet një furgon i madh i bardhë, para oborrit të shtëpisë ku po luanin fëmijët në Partington të Mançesterit.

Ai tenton t’i josh tre vajzat me petulla, dhe në momentin që ato do të afroheshin do t’i kidnaponte.

Për fat të mirë vajza më e madhe menjëherë largohet nga trampolina, por rikthehet për ta marrë motrën më të vogël, duke ditur se mund të kidnapohet nga burri brenda furgonit. /Telegrafi/