Tevdovski: U vendos rend në shpenzimet publike, u rrit transparenca

Sot, Ministri i financave, Dragan Tevdovski informoi për atë se çka është realizuar gjatë 100 ditëve të para të punës së tij, duke thënë se qëllimi i tij ka qenë të vendosë rend në shpenzimet publike, ndërsa reformat në sistemin e financave publike të jenë në pajtim me standardet dhe praktikat më të mira evropiane dhe sipas tij, ekonomia e Maqedonisë ka filluar të lëvizë, përcjell Telegrafi Maqedoni.

“Në 100 ditë e kaluara janë realizuar dhjetë projekte të mëdha. Është bërë ribalanci i buxhetit të shtetit, ku janë shkurtuar shpenzimet joproduktive, është shpallur buxheti qytetar për vitin 2017, është ngritur fuqishëm niveli i transparencës fiskale, për herë të parë janë shpallur në mënyrë publike detyrimet tatimore, është bërë analizë e shpërndarjes së mjeteve, bëhet menaxhim i mirë me borxhin e trashëguar publik, me çka është ulur edhe numri i ankandeve publike në tregun vendor, nga 4 në dy 2 ankande në muaj me norma më të ulëta të interesit në përqindje prej 1.5 deri më 3.8 për qind dhe janë kthyer normat e interesit prej 6 për qind”, u shpreh Tevdovski.

Tevdovski shtoi se ka kthim joselektiv dhe të rregullt të TVSH-së, vendimin e përgatitur për rritjen e pagës minimale në 12 mijë denarë, gjë për të cilën është siguruar mbështetje buxhetore dhe është përforcuar bashkëpunimi me institucionet relevante të financave ndërkombëtare./Telegrafi/