Gazeta ‘Afrimi’ e cila botohej në Vlorë, në numrin e saj të datës 9 korrik 1924, boton një ‘In Memoriam’ (përkujtim) për kolonelin Aubrey Herbert i cili kishte vdekur disa muaj më parë. Me plot të drejtë gazeta e cilëson Herbertin si mikun më të madh që kanë patur ndonjë herë shqiptarët.
Herbert ka qenë politikan, diplomat, ushtarak dhe punëtor i shërbimit sekret britanik i cili ishte i dashuruar në Shqipërinë.
Gazeta radhit meritat e Herbertit për Shqipërinë. Herbert, si kryetar i ‘Albanian Committee’ kishte bërë shumë për të ndikuar në vendimet e Konferencës së Ambasadorëve dhe Kongresit të Versajit në favor të Shqipërisë.
Pas vdekjes (1923) familja e Herbertit e njohur me emrin Carnavon, një familje sipërore aristokrate britanike e cila në botë më shumë njihej për zbulimin e varrit të Tutankamonit, kishte vazhduar ta ndihmonte Shqipërinë. Nëna e Herbertit kishte ndërtuar një fshat për refugjatët e Kosovës dhe e kishte emëruar Herbert. Ajo kishte organizuar edhe ekonominë e këtij fshati. Fshatarët thurnin veshmbathje të cilat shiteshin në tregun britanik.
Kjo familje kishte bërë shumë të mira tjera, përfshirë ndërtimin e një shkolle dhe ndërtimin dhe pajisjen e një biblioteke me mbi 1000 tituj të ndryshëm. Carnavonët kishin zbatuar edhe një aktivitet kundër malaries. Kontesha Carnavon (Elizabeth), nëna e Herbertit, në shumë institucione dhe familje shqiptare e kishte themeluar edhe traditën e pirjes së çajit të pasditës (afternoon tea). Nëpërmes nënës së Herbertit kishte filluar depërtimi i kulturës angleze në Shqipëri. Prandaj, për të nderuar Carnavonët, në Shqipëri ishin emëruar disa rrugë, bulevarde dhe institucione me emër të familjes dhe të Herbertit e cila edhe ishte dekoruar disa herë nga regjimi i Zogut.
‘Shqipnia miqt e vet s’i harron kurr, por do t’i shënoj me shkrola t’arta në historiën e sajë’ – thotë artikulli i gazetës Afrimi.
Në fakt, ka ndodhur e kundërta që e thotë gazeta.
Kur komunistët e morën pushtetin, u zhdukën të gjitha gjurmët e ndihmës që kishte ofruar Herbert dhe familja e tij. U shkatërrua biblioteka, shkolla, kurse fshatit Herbert iu ndërrua emri (Qerret) sikur që ndodhi me të gjitha emërtimet tjera. Regjimi komunist nuk dëshironte të bënte me dije se Shqipërinë e kishin ndihmuar aristokratët dhe kapitalistët britanikë.
Aubrey Herbert dhe familja Carnavon nuk u përmendën kurrë më. Pra, Shqipëria i harroi miqtë e vet.
Për fat të keq, kjo harresë vazhdon edhe sot, edhe pse më nuk ekziston regjimi komunist.
Lufta Prigozhin - Putin
Më shumëXhensila Myrtezaj rrëzohet në skenë, në nisje të performancës: Uroj të mos e keni kapur këtë
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
Klubi i ka 2,2 milionë euro borxh, ylli i Kosovës tregon si e ndërpreu kontratën falë FIFA-s
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Pamje të reja nga përplasja e Salahut me Kloppin tregojnë saktësisht se çfarë ka ndodhur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë