AUV: Ushqimi në “Lear” ishte në rregull, analizat për helmimin e punëtorëve do të vazhdojnë

Ushqimi në fabrikën Lear ku 23 persona paraqitën simptoma të lehta të helmimit, ishte shpërndarë në mënyrë përkatëse, i ruajtur dhe shërbyer në paketim origjinal dhe me afat adekuat të përdorimit, ndërsa menza i plotëson kushtet e higjienës përkatëse për shkak se nuk është shqiptuar masë kohore për mbylljen e saj”, deklaroi sot Agjencia e Ushqimit dhe Veterinarisë, pasi kryen inspektime në fabrikë dhe ushqimin të cilin gjatë ditës së djeshme e kanë konsumuar punëtorët, përcjell Telegrafi Maqedoni.

Lexo po ashtu Helmohen 25 punëtorë në fabrikën Lear në Tetovë

Inspektorët e Agjencisë në bashkëpunim me Inspektorin sanitar dje bënë kontroll të jashtëzakonshëm në ndërmarrje.

“Me qëllim t’i konfirmojmë shkaqet për paraqitjen e helmimit, shërbimet e inspektorëve morën mostra për testim laboratorik nga ushqimi që janë shërbyer, nga sipërfaqet punëtore në menzë, si dhe nga personi i punësuar i cili e ka shërbyer ushqimin, të cilit i është bërë kontroll mjekësor në mënyrë plotësuese”, informojnë nga Agjencia për Ushqim dhe Veterinari.

Agjencia do të vazhdojë ta ndjek rastin dhe ta informojë opinionin për çdo gjë të re në lidhje me të.

Njëkohësisht apelon që për shkak temperaturave të larta dhe rritjes së rrezikut për prishjen e ushqimit dhe shfaqjen e helmimeve, qytetarët të kenë kujdes se prej ku blejnë ushqim dhe të kenë kujdes për higjienën personale gjatë përgatitjes dhe ruajtjes së ushqimit.

Ndryshe, dje 23 të punësuar të kompanisë Lear, nga zona zhvillimore industriale në Tetovë janë helmur. Shenjat e para të helmimit fillimisht i kishin shfaqur katër persona të cilët në mëngjes kishin hëngër sallam dhe pashteta. Të helmuarit kanë pasur marramendje dhe të vjella dhe kanë kërkuar ndihmën e shpejtë./Telegrafi/