Bernard Guetta
Kur nuk ndodh në Londër ose përpara Notre-Dame, ndodh në Teheran. Më 7 qershor, Shteti Islamik goditi në kryeqytetin iranian me një atentat të dyfishtë në parlament dhe në mauzoleun e Imam Khomeinit, vendin e shenjtë të regjimit, ku prehet themeluesi i tij.
Mesazhi është i qartë: ata që e kundërshtojnë këtë lëvizje, direkt si perëndimorët dhe vendet sunite apo indirekt si Irani shiit, që mbështet ushtarakisht dhe financiarisht Bashar al-Assadin, ekspozohen ndaj pasojave, gjithnjë e më të pashmangshme, qëkurse ISIS është në mbrojtje.
Mosuli, qyteti që xhihadistët e kishin kthyer në kryeqendrën e tyre irakiane, është pranë dorëzimit. Raka, kryeqendra siriane e tyre, vuan nga 5 qershori prej një ofensive nga toka nga milicia kurde dhe arabe, të mbështetura nga avionët e koalicionit arabo-perëndimor. Me shpatulla pas murit, ISIS është pranë humbjes (kjo është tashmë një çështje muajsh) dhe për këtë arsye kërkon të mbjellë panik mes kundërshtarëve të tij, me shpresën që opinioni publik europian do të rebelohet, duke i detyruar krerët e shteteve që të hedhin armët.
Kjo nuk do të funksionojë. Përkundrazi, me barbarinë e sulmeve të tij ISIS po forcon vendosmërinë e të gjithë atyre që janë duke e luftuar. Tashmë, ne mund të nxjerrim disa konkluzione nga kjo strategji e dëshpëruar, e një organizate që do ta humbasë luftën e saj.
E para është se, ndryshe nga sa vazhdojnë të thonë Donald Trumpi dhe vendet sunite të udhëhequra nga Arabia Saudite, Irani nuk është një shtet terrorist. Teherani është e para e forcave destabilizuese në Lindjen e Mesme, ku do të donte të bëhej fuqia dominuese. Irani nxit dhe organizon pakicat shiite në rajon, kryesisht në Liban, për të projektuar fuqinë e tij përtej kufijve. Përmes mbështetjes për Bashar al Assadin, qeveria iraniane ka përgjegjësinë kryesore për rëndësinë e dramës siriane. Me pak fjalë ne mund të qortojmë për shumë gjëra iranianët, por sigurisht jo për mbështetje të ISIS, një lëvizje sunite të cilës Teherani i kundërvihet fort dhe e cila sapo ka goditur kryeqytetin e vendit.
Vëzhgimi i dytë që ne mund të bëjmë është se ISIS, përveç se është në krizë në vendet e Lindjes së Mesme, është gjithashtu duke humbur forcën e vet tërheqëse politike, si dhe kapacitetet e veta logjistike. Si mund të konsniderohet ndryshe një lëvizje e cila rekruton vetëm banditë të armatosur, që me makina vërsulen kundër kalimtarëve, për t’i goditur më pas me thika dhe çekiçë?
Këta njerëz dëmtojnë dhe do të vazhdojnë ta bëjnë, me një ritëm për fat të keq të vazhdueshëm, por ata janë vetëm ushtarë në rrëmujë, të një ushtrie të shpartalluar.
ISIS nuk ka më forcën e dikurshme. Kjo do të thotë se së shpejti Lindja e Mesme mund të dalë nga kaosi?
Përgjigja do të ishte po, nëse ISIS do të ishte problemi kryesor, por nuk është kështu. Sado gjakatarë dhe të neveritshëm, Shteti Islamik është vetëm një fenomen margjinal i rivalitetit mes dy rrymave të Islamit, shiitëve dhe sunitëve, si dhe mbrojtësve kryesorë të tyre, Iranit dhe Arabisë Saudite. Kjo është lufta e vërtetë, dhe për fat të keq ajo sapo ka filluar. Tani për tani çdo gjë lë të kuptohet se mund të zgjasë njëqind vjet, e frikshme si luftërat fetare, që shkatërruan dikur Evropën. /France Inter/Bota.al/
Lufta Prigozhin - Putin
Më shumëKonfirmohen pesë skuadrat me të cilat Anglia mund të përballet në fazën tjetër të Euro 2024
Stano tha se Kosova nuk e njoftoi BE-në me raport për sulmin në Banjskë, ambasadori Bajrami ia përmend të gjitha me data
Kishte ra në rrjetën e tyre dhe mendonin se kanë kapur peshk për darkë, doli të jetë peshkaqen gjigant – burri nga Australia e riktheu në oqean
Franca mund të shkaktojë krizën e ardhshme të euros
U tha se ka kryer marrëdhënie me Ilnisën brenda Big Brother, flet Meriton Mjekiqi
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Derisa Serbia viktimizohet në UEFA, huliganët e tyre përleshen masivisht me policinë gjermane
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Arrihet marrëveshja: Chelsea transferon sensacionin e Barcelonës
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë