Është promovuar të shtunën romani “Britmat e Shpirtit”, i shkrimtares Kaltrina Maloku.
Ceremonia e promovimit është mbajtur në Sallën e Kuvendit Komunal të Komunës së Klinës, ku kanë marrë pjesë përfaqësues të komunës, shkrimtarë, përfaqësues të shtëpisë botuese “Armagedoni”, si dhe të pranishëm tjerë të fushës së letërsisë.
Romani më i ri i shkrimtares Maloku, trajton në vete fatin e femrës shqiptare, respektivisht dhunën që ushtrohet ndaj saj dhe pasojat e kësaj dhune në përditshmërinë e saj.
Më rastin e promovimit të këtij romani, Hajdin Morina, Drejtor i Drejtorisë së Arsimit në Komunën e Klinës, ka vlerësuar punën e shkrimtares së re, duke e cilësuar këtë vepër si njërin ndër romanet më të mira të lexuara deri më tani.
“E kam lexuar këtë roman dhe mund të them se është një ndër veprat më të bukura të lexuara gjatë tërë jetës time dhe më ka joshur tepër, pasi që në të ngërthen në vete shumë vlera të mëdha. Po ashtu, “Britmat e Shpirtit” mund të cilësohet një roman dramatik, i cili përcillet me situata të rënda psikologjike”, tha drejtori Morina.
Ai duke i inkurajuar të pranishmit që të lexojnë këtë roman, ka uruar shkrimtaren për përkushtimin dhe punën e saj, duke thënë se letërsisë shqiptare i ka sjellë një vlerë të re me romanin e saj.
Ndërkaq botuesi i romanit “Britmat e Shpitit” Berat Dakaj–Armagedoni nga Shtëpia Botuese “Armagedoni”, ka treguar për tematikën e këtij romani. Ai e ka përgëzuar shkrimtaren për trajtimin e një teme mjaft të ndjeshme në shoqërinë shqiptare.
“Teksa imazhi i romanit të Kaltrinës shfaqej në shumë medie dhe nga lexuesit e parë i pritej mirë, ajo vazhdonte t’i pëlqente reagimet e tyre, duke u motivuar të shkruajë sërish dhe, sërish prozë; dhe, sërish për ndonjë simotër të Tamarës, e cila i ka problemet që sot i gjeni në mediet shqipe në Kosovë, në Shqipëri, në Maqedoni, në titujt kryesorë të tyre kudo në Ballkan dhe në pak vende të botës ku demokracia është e shpërbërë sepse drejtësia nuk ndahet drejt dhe jo të gjithë njerëzit janë të barabartë para ligjit”, ka thënë Dakaj.
Sipas tij, “Britmat e Shpirtit” nuk janë vetëm të personazhit, të Tamarës, e cila mund të ketë prejardhje dhe të jetë brumë i përgatitur në realitetin e sotëm ose të para dhjetë vjetshëm.
Ndërkaq, në fjalën e saj shkrimtarja, Kaltrina Maloku, tha se kjo vepër është për Tamarën dhe ky promovim i kushtohet vetëm asaj. “Nëse unë nuk mund të bëj më shumë për ato femra të dhunuara e të keqtrajtuara nga të tjerët, atëherë preferova të mos hesht, por të bërtas bashkë me to. Zejnepen e vranë, nuk kishte kush ta mbronte, e vranë edhe Dianen, kjo e fundit kërkoi ndihmë por nuk e shpëtuan. Prandaj, t’i largojmë ato femra nga duart e vrasësve sepse trupi e shpirti i tyre dhemb si i vajzës tënde, si i motrës e si i nënës. Mos të lejojmë të shtohen viktimat e dhunës”, ka thënë Maloku.
Ajo ka bërë thirrje për gjithë shoqërinë që t’i hapin sytë atje ku bota e internetit nuk denjon te depërtoj, atje ku vajzat e mitura bëhen nëna, atje ku arsimimi më i lartë që i ofrohet një femre është titulli “çikë e shtëpisë”.
Ndryshe, ky është romani i dytë i shkrimtares Kaltrina Maloku, e cila romanin e parë “Heshtja e Kohës”, e kishte botuar në vitin 2015, në të cilin trajtohej një romancë dashurie e ndikuar nga dukuritë negative në shoqërinë tonë. /Telegrafi/
Promo
Reklamo këtuLufta Prigozhin - Putin
Më shumëHistoria e Petro Bua Shpatës dhe prania e tij në tablotë e piktorëve të mëdhenj
Si arriti ta sundojë botën, njeriu modern?
Jeta e “panjohur” dhe fati i pasardhësve të familjes së Naim Frashërit
Thënie të gjeniut që jetonte me 40 mijë libra në shtëpi: Mit’hat Frashëri dhe paradokset shqiptare
“Komedia”
Libër i ri për jetën e Aleksandër Moisiut
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United