Aplikacioni i krijuar nga studenti kosovar po shkarkohet globalisht

Labeat Matoshi, student i vitit të dytë në Shkenca Kompjuterike në Kolegjin Universum, ka arritur të krijojë një aplikacion të thjeshtë mirëpo mjaft funksional brenda një kohe të shkurtër.

I riu nga Prishtina, që është duke marrë hapat e parë në fushën e programimit në Shkenca Kompjuterike në Kolegjin Universum, synon të përditësoj përdorimin e aplikacionit për të sjell edhe funksione dhe veçori të reja në këtë aplikacion vazhdimisht.

Programi i Shkencave Kompjuterike në Kolegjin Universum është i fokusuar më tepër në Zhvillim Softveri dhe kurrikula dhe është e vetmja në Kosovë, e bazuar kryekëput në rekomandimet e ACM dhe IEEE, trupat kryesore botëror për shkenca kompjuterike gjë që i mundëson studentëve të avancohen në programim.

Aplikacioni Click Speed Test brenda pesë sekondave, përdoruesve të këtij aplikacioni mjaftë atraktiv iu kërkohet të klikojnë sa më shpejtë që është e mundur ekranin në një hapësirë të kufizuar me ngjyrë blu duke testuar kështu shpejtësinë e gishtave të tyre.

Edhe pse është në versionet e para të zhvillimit, aplikacioni ka arritur të vlerësohet dukshëm në kanalet e shitjes online të gjigantit Google, Play Store, ku ka marrë notën 4.9 nga ajo maksimale 5.0.

Click Speed Test aktualisht është në dispozicion vetëm për platformën Android.
Aplikacioni mund të shkarkohet në të gjithë telefonat që posedojnë version më të ri se Android 4.2 Jelly Bean. Për të nstaluar aplikcaionin, klikoni në këtë link.