Një ish-zyrtare e Departamentit amerikan të Drejtësisë tha se ka paralajmëruar Shtëpinë e Bardhë në muajin janar, se këshilltari për siguri kombëtare i presidentit Donald Trump është në rrezik për t’u shantazhuar nga Rusia.
Sally Yates, ish-ushtruese e detyrës së prokurores së përgjithshme, i bëri komentet gjatë dëshmisë përpara një nënkomisioni për drejtësi të Senatit.
Paneli ishte njëri prej disave që janë duke hetuar shkallën e lidhjeve midis bashkëpunëtorëve të Trumpit dhe zyrtarëve rusë. FBI po ashtu është duke kryer hetimet e veta.
Fokus kryesor i seancës dëgjimore të Senatit ka qenë këshilltari i parë i Trumpit për siguri kombëtare, Michael Flynn, i cili është detyruar të japë dorëheqje në muajin shkurt, pasi ka keqinformuar zyrtarët e administratës për kontaktet e tij me Sergei Kislyakun, ambasador i Rusisë në SHBA.
Pas njoftimeve të mediave për ndërveprimet e Flynnit me Kislyakun, nënpresidenti amerikan, Mike Pence, e ka mbrojtur publikisht Flynnin.
Yates, e cila ka shërbyer si prokurore në administratën Trump vetëm disa ditë, meqë është shkarkuar nga detyra, u tha senatorëve se pas inaugurimit të presidentit në janar, ajo e ka paralajmëruar këshillin ligjor të Shtëpisë së Bardhë – dy herë personalisht dhe një herë përmes telefonit – për kontaktet e Flynnit me zyrtarët rusë.
“E kemi ndjerë se është e rëndësishme që ta kalojmë këtë informacion në Shtëpinë e Bardhë, pjesërisht pasi nënpresidenti po bënte deklarata të rreme për publikun”, tha Yates.
“Rusët mund të përdorin materialin, informacionin komprometues në mënyra të ndryshme, nganjëherë hapur, nganjëherë tërthorazi. Ju nuk dëshironi që ai person të jetë në një pozitë, ku rusët mund të kenë përsëri ndikim mbi të”, tha Yates.
Ajo shtoi se biseda e fundit që ka pasur me zyrtarët ligjorë të Shtëpisë së Bardhë ka qenë më 26 janar, dy ditë pasi Flynn është intervistuar nga FBI për komunikimet e tij me rusët.
Flynn ka dhënë dorëheqje rreth dy javë më vonë, më 13 shkurt.
Yates, zyrtare e emëruar nga ish-presidenti amerikan, Barack Obama, është shkarkuar nga Trump pasi ka refuzuar të mbrojë një ndalesë udhëtimi, që prekte shtatë vende me shumicë myslimane.
Pas seancës dëgjimore, Trump, përmes një postimi në Twitter, mohoi ndonjë bashkëpunim midis ndihmësve të tij dhe Rusisë.
“Historia e fshehtë Rusi-Trump është një mashtrim total”, tha Trump.
Përpara Senatit dëshmoi edhe James Clapper, ish-drejtor i inteligjencës kombëtare, i cili ka mbikëqyrur lëshimin e një raporti në muajin janar, i cili akuzonte Rusinë për përpjekje agresive për të ndikuar në zgjedhjet presidenciale të vitit 2016 në SHBA.
Clapper i tha panelit të Senatit se zyrtarët britanikë kanë ndarë informacione për lidhjet midis bashkëpunëtorëve të Trumpit dhe zyrtarëve rusë, në muajt para zgjedhjeve të 8 nëntorit.
Trump ka akuzuar mediat dhe kundërshtarët e tij politikë se bëjnë përpjekje të dëmtojnë presidencën e tij me “lajme të rreme”. /Rel/
Promo
Reklamo këtuLufta Prigozhin - Putin
Më shumëÇfarë do të ndodhë tani pasi Ukraina mori pëlqimin e SHBA-së për sulme brenda Rusisë me armë amerikane?
Vendet e NATO-s hoqën kufizimet e armëve për Ukrainën - reagimi nga Kievi erdhi menjëherë
Pse Italia, Franca e Kroacia po shesin shtëpi për 1 euro?
Udhëheqësi i opozitës izraelite i kërkon Netanyahut të pranojë marrëveshjen e armëpushimit në Gaza, të parashtruar nga Joe Biden
Pas luftimeve të ashpra, e detyruan të dorëzohet, pastaj ukrainasit i ofrojnë cigare dhe ndihmë ushtarit rus – pamje që tregojnë ngjarjen nga vija e frontit
Rusia po i afrohet me shpejtësi një “rekordi të zi” të humbjeve të automjeteve të blinduara të personelit në Ukrainë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United