Kosova në shtator mund të ketë një kampion evropian në automobilizëm. Këtë sukses, që nuk e ka arritur asnjë shqiptar më herët, e synon Shkëlzen Lajçi me Mitsubishin e tij.
Shkëlzen Lajçi synon të shkruajë historinë në auto sportin e Kosovës. Ai beson se mund ta fitojë titullin e kampionit në automobilizëm, sukses që nuk e ka arritur asnjë shqiptar më herët. “Synimi im është të fitoj titullin e kampionit që në vitin e parë. Do të garoj në Grupin N, Divizioni 2, që është niveli më i lartë i garave në EHC (European Hill Cllimb – Championship). Është hera e parë që një shqiptar nga Kosova, por edhe nga Shqipëria merr pjesë në këtë nivel garash. Jam i vetëdijshëm që konkurrenca është tejet e fortë, por jam optimist se këtë sfidë do ta përfundoj me sukses dhe në shtator do ta festoj titullin”, është shprehur Lajçi.
Deri në garën e parë ka mbetur më pak se një muaj, ndërsa ai shprehet i gatshëm për këtë aventurë. “Gara e parë zhvillohet më 22 e 23 prill në Austri, pastaj në radhë janë garat në Spanjë dhe Portugali. Unë jam i gatshëm, shpresoj të mos kem problem as me sigurimin e vizës në mënyrë që të kem një nismë të mbarë”, ka theksuar Lajçi.
Në kalendarin e Kampionatit Evropian janë 12 gara dhe pjesëmarrja në to sigurisht që nuk është aspak e lehtë të përballohet as në aspektin financiar. “Momentalisht nuk kam sponsor. Federata e Auto Sportit e Kosovës (FASK) më ka ndihmuar me një shumë, e cila besoj që mjafton për katër garat e para, e deri atëherë shpresoj të siguroj një sponsor për të siguruar zgjidhje më afatgjate. Në këtë drejtim dua ta falënderoj kryetarin Ismet Rexhepi për përkrahjen e madhe që më ka dhënë”, shprehet Keni.
E, për të marrë pjesë në këtë nivel të garave, sigurisht që edhe vetura duhet të jetë e veçantë. Mitsubishi EVO 9 i tij është i tillë, sepse për këtë ia ka bërë hyzmetin. “Investimet në veturë kapin shifrën mbi 60 mijë euro. Besoj që gjithçka do të jetë në rregull. Në sport rëndësi ka edhe fati, prandaj shpresoj që edhe ai të jetë me mua”, ka thënë Lajçi në fund.
Ndërsa, kryetari i FASK-ut, Ismet Rexhepi ka theksuar se Lajçi do ta ketë përkrahjen e Federatës për aq sa lejojnë mundësitë. “Është mirë që garuesit tanë mund të paraqiten në gara ndërkombëtare të barabartë me garuesit e të gjitha vendeve tjera. Ne jemi në pritje që Ministria të ndajë buxhetin për federata ashtu sikur në vitin e kaluar. Një pjesë e atyre mjeteve do të jenë për përkrahjen e Lajçit në Kampionatin Evropian, ndërsa një pjesë tjetër për dy garues tjerë që me gjasë do të paraqiten në garat e CEZ-it”, është shprehur Rexhepi.
Lufta Prigozhin - Putin
Më shumëPamje të reja nga përleshja e Salahut me Kloppin tregojnë saktësisht se çfarë ka ndodhur
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Nëntë pritje dhe nota më e lartë, shkëlqimi i Arijanet Muric që i vetëm ndali Manchester Unitedin
Salah pyetet për përleshjen me Kloppin – jep një përgjigje të shkurtër, por të ashpër
Jurgen Klopp thyen heshtjen me një përgjigje të qartë lidhur me debatin e ashpër me Salahun
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë