Qendra Emergjente e QKUK-së, deri në mesnatë, ka pranuar rreth dhjetëra raste të lëndimeve nga mjetet piroteknike. Mjekët shprehin frikën se numri i pacientëve mund të rritet, pasi presin pacient nga qendrat tjera.
13 vjeçari A. S., ka marrë një lëndim në kokë nga shpërthimi i një mjeti piroteknike. Ai porositi moshatarët që të mos i përdorin mjetet piroteknike.
“Unë jam kanë duke i shikuar fishekzjarrët, kur njëri ndër shokët e mi e ka ndezur atë, e ka ndezur keq dhe ka shpërthyer. Pastaj mbajtësja që ka qenë në raketë, më ka rënë në kokë. Unë i lajmëroj të gjithë moshatarët e mi që mos me përdor mjete piroteknike”, tha ai.
Specializantja e Emergjencës, dr. Krenare Makolli tha se kanë pranuar dhjetë raste në Emergjencë, të cilat kanë qenë lëndime nga mjetet piroteknike.
“Deri në këto momente sapo flasim diku 10 raste i kemi pranuar, siç po e shihni janë edhe duke ardhur vazhdimisht. Të gjitha janë nga mjetet piroteknike, me lëndime goxha të rënda. Deri në mëngjes sa te kemi një raport, flasim për statistika, pro kemi shumë. Gjithë, popullatës iu kisha thënë të kenë kujdes, e sidomos prindërve, sepse shumicën i kemi mosha të vogla”, tha Makolli, raporton Kosovapress.
Në anën tjetër, kirurgu Florent Kavaja, tha se dita ka qenë e qetë, mirëpo në mbrëmje ka filluar një fluks i madh i pacientëve, të cilët kanë qenë të lënduar nga mjetet piroteknike. Ai tha se kanë pasur një rast të rëndë të operimit. Sipas tij, një person ka pasur një lëndim të barkut dhe zorrëve, nga këto mjete.
“Në përgjithësi sot gjatë ditës, dita ka qenë e qetë kurse në mbrëmje kanë filluar një grup i madh i pacientëve të na vijnë. Ndërkohë kemi edhe pacientja që po vijnë prej qyteteve tjera. Sa dola prej sallës, kemi pasur një lëndim të barkut (abdomenit). Sot e jemi futur në sallë në orën 23:40 minuta, ka pas një lëndim të zorrëve. Kemi përshtypjen në 30 minutshin e parë kemi një numër më të madh të pacientëve”, tha Kavaja.
Doktorët e këtij spitali apelojnë tek qytetarët që të kenë kujdes ndaj përdorimit të mjeteve piroteknike.
Kurse Policia njofton se me rastin e festës së ndërrimit të moteve, kryeqyteti ishte kryesisht i qetë dhe pa incidente të rënda.
Në një deklaratë për media, togeri i Policisë së Kosovës Ibrahim Metolli, përveç urimit për vitin e ri, tha se deri në orën 00:00 gjithçka ka qenë në rregull, ndërsa pas mesnate janë raportuar pesë të lënduar nga mjetet piroteknike, të cilët ishin me lëndime të lehta trupore, si dhe janë raportuar pesë zjarre të cilat janë shkaktuar nga fishekzjarrët.
“Deri më tani ka qenë gjithçka në rregull, deri në ora 00:00, i kemi pesë të lënduar prej fishekzjarrëve, por me lëndime të lehta kanë marrë dhe i kemi pesë zjarre që kanë ra prej fishekzjarrëve, të gjitha këto kanë qenë me mjete piroteknike, jo me mjete të tjera”, tha Metolli./Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
AGK reagon ndaj shpërndarjes së numrit të gazetares nga grupi “Albkings”
Zyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'