O’Connell: “Pronto” nuk është e vetmja dëshmi për korrupsion në institucione, Kosova e meriton liberalizimin

Ambasadori britanik, Ruairí O’Connell, në intervistën drejtpërdrejt të realizuar nga Gazeta Express në Ambasadën e Britanisë së Madhe, u pyet për përgjimet e fundit të aferës “Pronto”

Ambasadori tha se kjo nuk është e vetmja dëshmi që tregon se brenda institucioneve të Kosovës ka korrupsion.

“Duhet të luftojmë kundër kulturës së nepotizmit, kur njerëzit punësohen në bazë të lidhjes familjare”, thotë ambasadori.

Ambasadori ka folur edhe për Gjykatën Speciale ku ka thënë se mund të ketë ndikim në politikën e Kosovës, duke thënë se ajo do të mund të pastrojë skenën politike nëse ekziston nevoja.

O’Connell ka theksuar po ashtu se Qeveria e Kosovës  duhet të merret seriozisht me luftën kundër terrorizmit.

“Nuk mendoj se Kosova është shtet si Shteti Islamik (ISIS)”, ka thënë ambasadori.

Ai gjithashtu ka thënë se Kosova e meriton liberalizimin, mirëpo së pari duhet plotësuar kushtet

Qytetarët, gjithashtu, pyesin për ndihmën e Britanisë së Madhe si mike e Kosovës, çka mund të bëjë Britania që t’i ndihmojë Kosovës për liberalizimin e vizave, mirëpo ambasadori britanik thotë se Kosova i ka fuqitë e mjaftueshme për të shkuar vetë në Bruksel dhe ta kërkojë liberalizimin, mirëpo me plotësimin e kushteve të kërkuara./Telegrafi/