Sebahate Sopjani
Jam krenare që mbaj mbi supet e personalitetit tim emrin “mësuese”. Që një dekadë e më shumë jam në procesin e mësimdhënies edhe pse është një proces kompleks e i vështirë , por mbi të gjitha të jep kënaqësi.
Sot kur shoqëria është në vazhdën e dinamikës së ndryshimeve të mëdha, ne mësimdhënësit ballafaqohemi në mënyra të ndryshme, duke e ditur se shkolla si një mjedis edukativo-arsimor është e lidhur ngushtë me zhvillimet e shkencës dhe të teknologjisë, ndryshimet politiko-sociale e ekonomike. Përkundër të gjithave, ne prapë sfidojmë, vazhdojmë punën tonë të përkushtuar ndaj nxënësve me qëllim që t’i përgatisim për shkathtësitë e shekullit XXI.
Por kush të pyet për punën tonë se?
Vlerësimi i mësimdhënësve mund të bëhet në forma e forma, e mënyra të ndryshme, e instrumente të tjera matëse për t’i evidentuar të metat dhe cilësinë e arsimit tonë në vend nga MASHT-i sepse, po e them me plot sinqeritet, se testimi nuk mund të jetë forma apo mënyra më e saktë për cilësinë e arsimit në vend. Kurrë dhe kurrë, sepse është një vlerësim përmbledhës i viteve p.sh. 30, 20, 15, 10, pesë, e një vit përvojë pune që kanë mësimdhënësit. Dhe, si do t’i paraqesin në një copë letër të gjitha? Ekziston mundësia që 100 për qind testi të kalojë me sukses, ndërsa puna në klasë as 30 për qind e realizuar. Apo edhe e kundërta mund të ndodhë në këtë lloj testimi. Ndaj, lind pyetja:
A do të mund t’i identifikoni mësimdhënësit për :
– Menaxhim të mirë në klasë
– Motivim për mësimnxënie
– Bashkëpunimi nxënës-mësimdhënës, prindër-mësimdhënës dhe anasjelltas
– Kreativitetin brenda klasës
– Metodologjinë
– Klimën brenda klasës
– Zotërimin e interpretimit të informacionit tek nxënësit
– Artikulimin e fjalës tek mësimdhënësit dhe atij të nxënësit
– Intonacionin se si iu drejtohemi ne nxënësve
– Afërsinë, dashurinë se si e paraqesim tek fëmijët
– Kushtet didaktike e ato fizike…
Këto dhe shumë e shumë gjëra të tjera përmes testimit nuk do të mund të kuptohen nga MASHT-i. Ndaj, e kisha lutur personalisht ministrin Arsim Bajrami, bashkë me kabinetin e tij, që të hartojnë ndonjë strategji tjetër për vlerësimin e performancës së mësimdhënësve apo ta respektojnë UA të dalë vet nga ky institucion (14/2013, Vlerësimi i Perfomancës së Mësimdhënësve me 12-13 nene), të jenë më afër nesh, me hospitime, monitorime e vlerësimin e dosjeve tona. Sepse, ne kemi rezultate që u testuam nga profesorët tanë të UP-ës për të qenë mësimdhënës. Këtë e kemi përfunduar. Tash ejani dhe na vizitoni në shkolla, monitorojeni punën tonë nga afër, sepse çdo gjë që shihet e preket është më e besueshme.
Ju ftoj në klasën time. Punoj në shkollë fshati, pa internet, pa kabinet të kompjuterëve apo laptop personal nga MA, pa fotokopje, pa letër A4, pa shkumësa me ngjyra, pa hamerë e shumë e shumë gjëra të tjera elementare për ta zhvilluar mësimin. Besoni ose jo, të gjithat i siguroj vet, vetëm e vetëm që nxënësit të kenë sa më shumë rezultate të mëdha.
Jam kundër testimit të mësimdhënësve, por jam edhe kundër grevës. Nuk duhet t’ua ndalim buzëqeshjen, gëzimin e 1 Shtatorit fëmijëve, sidomos atyre pëllumbave që për herë të parë ulen në bankat e shkollës.
Ndaj, le të fillojë ky vit mbarë e me sukses të madh, pa testime ndaj mësimdhënësve, por me hospitime e monitorime e forma të ndryshme nga MASHT- dhe DKA-at.
Promo
Reklamo këtuLufta Prigozhin - Putin
Më shumëZhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Erjolën e hedhin në mes të natës në pishinë, i ekspozohen pjesët intime
Axhanqiq: Unë takohem me Kurtin hapur, të tjerët fshihen
Inzaghi gëzon tifozët e Interit me transfeirmin e ri: Po, ai ka nënshkruar me ne
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak