Brenda shtëpisë së braktisur para 25 vitesh, ku gjithçka ka mbetur e paprekur (Foto)

Në Mississippi të Shteteve të Bashkuara, ndodhet një shtëpi e braktisur në të cilën nuk ka hyrë askush për 25 vite.

Ngjyra e këtij objekti banimi është zbehur nga dielli, ndërsa shumë pjesë janë mbuluar nga papastërtia pasi nuk ka kush t’i pastrojë.

Orenditë, kukullat dhe enët kanë mbetur të paprekura, sepse brenda saj nuk qëndron askush, transmeton Telegrafi.

Era e fortë i ka thyer disa dritare, ndërsa uji i ka gjetur kanalet për të hyrë brenda, duke bërë që myku të mbulojë gjithçka, shtresat e murit të plasariten dhe të bie poshtë së bashku me ato të tavanit.

Nuk dihet pse pronarja e objektit të quajtur ‘Shtëpia e Grumbulluesit’, është larguar për të mos u kthyer më kurrë.

Por, në këtë shtëpi është gjetur certifikata e shkurorëzimit, që lë të kuptohet se ajo është ndarë nga burri dhe mbase ka shkuar të jetojë me dikë tjetër.

Kjo shtëpi e madhe, që është shfrytëzuar për të lëshuar dhoma me qira me 300 dollarë në muaj, është e pabanueshme, megjithëse shumë gjëra janë ruajtur mirë. /Telegrafi/