Publikohen pamjet kur policia vrau adoleshentin e paarmatosur (Video,+18)

Një video e publikuar në internet tregon momentin e vrasjes së 19-vjeçarit Dylan Noble, e publikuar nga polici Jerry Dyer, i cili kishte thirrur një konferencë për shtyp për të “pafajësuar” veprimet e oficerëve të tij.

Lexo po ashtu Drama e vajzës me këmbën, vaginën e vithet tre herë më të mëdha se normalja (Foto/Video,+16)

Bëhet fjalë për një ngjarje të ndodhur më 25 qershor, video e cila është publikuar pas rritjes së tensioneve ndërmjet civilëve dhe policëve, së bashku me një padi të familjes së viktimës, transmeton Telegrafi.

Keqkuptimi ndërmjet viktimës dhe policisë kishte filluar kur ata e ndalën atë në një pikë karburanti, pasi ishin në kërkim të një njeriu me një pushkë.

Oficerët e policisë e kishin udhëzuar Noble për të vënë duart e tij kah dritarja, gjë të cilën ai nuk e kishte bërë siç duhet, duke detyruar policinë që fillimisht të kërkonin nga ai që të dyja duart t’i çonte lartë.

Lexo po ashtu Vëllai i pafat i Obamës: Askush s’e di që ekzistoj

Noble pastaj ishte larguar nga vetura e tij dhe kishte filluar të largohej nga policët me duart e tij lart, por pastaj kthehet dhe shkon në drejtim të tyre me dorën e majtë të ngritur dhe të djathtën pas shpinës së tij.

Policët pastaj e udhëzojnë atë që të shtrihet për tokë dhe të “largojë gjithçka ka në duart e tij!”

E derisa Noble vazhdon të afrohet kah policia, përcjell Telegrafi, me dorën e tij të djathtë prapa shpinës, një polic i thotë atij: “Do të të qëllojmë!”.

Më pas vijnë të shtënat dhe Noble bie në tokë, duke tentuar të çojë dorën nën bluzën e tij. Pastaj polica qëllon edhe tri herë të tjera, duke e lënë atë të vdekur.

Pastaj është gjetur se Noble kishte vetëm një kuti të vogël plastike. /Telegrafi/