Sa është qarkullimi i përgjithshëm i Bursës së Maqedonisë?

Qarkullimi i përgjithshëm i Bursës së Maqedonisë sot ka qenë diçka më tepër se 10 milionë denarë, të realizuar përmes 41 transaksioni dhe gjatë kësaj është tregtuar me një sasi prej 142.333 ngastrash.

Pjesa më e madhe e qarkullimit prej 7.989.606,10 denarë është realizuar me një sasi prej 140.000 bonosh për denacionalizim RMDEEN15, të tregtuara përmes 16 transaksioneve me çmim mestar prej 92,50 pikë të përqindjes nga vlera nominale.

Më lartë në listë të qarkullimit sipas aksioneve ka qëndruar aksioni i “Alkaloid” Sh.A. Shkup, si aksion i vetëm me qarkullim prej një milion denarë. Ditën e përfundoi me 5.020 denarë, me rënie të vlerës së aksionit për 0,15 për qind.

Listën e fituesve e kryesonte aksioni i “Makpetrol” Sh.A. – Shkup, m rritje prej 10 për qind dhe çmim mesatar prej 21.472 denarë. Pas saj u radhit aksioni i “Uslugi” Sh.A. – Shkup, me rritje të aksionit për 3,17 për qind dhe çmim mesatar prej 65 denarë.

Indeksi MBI-10 ka shënuar rritje prej 1,81 për qind dhe ka përfunduar në vlerë prej 1.759,69 pikë të indeksit, ndërsa indeksi OMB, edhe krahas qarkullimit të realizuar më të madh, mbeti i pandryshuar në vlerë prej 126,89 pikë të indeksit./Telegrafi/