Mbytja e dy fëmijëve në Kolovicë, rrëfen fqinji i tyre i parë (Video)

Dy fëmijë nga “Kolovica” e Prishtinës kanë humbur jetën pasi kanë rënë në një gropë të hapur prej vitesh.

F.M. 11 vjeç dhe F.M. 13 vjeçe humbën jetën pasi gjatë së enjtes ranë në një gropë të thellë prej katër metrash, e cila ishte e mbushur me ujë.

Ngjarja tragjike ka ndodhur në orët e mesditës dhe dëshmitarët thonë se fillimisht djali 11 vjeçar kishte hyrë për t’u larë në gropë dhe kur motra e tij e kishte parë atë tek mbytej kishte tentuar ta shpëtonte.

Por fatkeqësisht, në pamundësi që ta nxirrte nga gropa edhe vajza e ka humbur jetën.

Vdekja tragjike e dy fëmijëve nga Kolovica të cilët janë mbytur në një gropë të mbushur më ujë i ka tronditur të gjithë banorët e kësaj lagje.

Xhemajl Osaj, që është edhe fqinji i parë i familjes Mramori, fëmijët e të cilës humbën jetën tragjikisht ditën e enjte, ka thënë se shkaktari i kësaj tragjedie është gropa e hapur nga kompania e ndërtimit të rrugëve.

Ai ka thënë se kjo gropë e bërë nga kompania është një “varrezë” që iu është bërë atyre para lagjes.

https://www.youtube.com/watch?time_continue=10&v=j7r0VjnZtxs