LAJMI I FUNDIT:

Francë, sulm ndaj një autobusi me turistë, 6 të lënduar

Francë, sulm ndaj një autobusi me turistë, 6 të lënduar

Gjashtë persona janë lënduar, kur disa të shtëna qëlluan një autobus turistik në jug-lindje të Francës, bëjnë të ditur burimet e Policisë.

Në autobus gjendeshin 75 turistë nxënës çekë, të cilët po udhëtonin nga Spanja në Republikën Çeke, kur u godit autobusi.

Burimet zyrtare bëjnë të ditur se të shtënat kanë thyer dritaret në pjesën e përparme dhe të pasme të autobusit.

Besohet se sulmuesi ka përdorur një pushkë gjuetie kur kishte sulmuar autobusin, i cili saktësisht gjendej mes qyteteve Lyon dhe Marseille.

Në mesin e gjashtë personave të plagosur nga xhama e thyer ishte një fëmijë, ndërsa njëri nga pasagjerët pësoi dëmtim të rëndë në sy. /Telegrafi/