LAJMI I FUNDIT:

Avokati i Popullit kërkon kontroll gjyqësor të vendimeve për status të veteranëve (Video)

Avokati i Popullit kërkon kontroll gjyqësor të vendimeve për status të veteranëve (Video)

Avokati i Popullit, Hilmi Jashari, ka thënë se vendimet që janë marrë nga Komisioni për pranimin e statusit të veteranëve të UÇK-së duhet t’i nënshtrohen një kontrolli gjyqësor.

Jashari ka thënë se në Kosovë 65 për qind e ligjeve janë duke u amandamentuar, dhe kjo për të përbën një rrezik për qëndrueshmërinë e tërë sistemit ligjor të Kosovës.

Ku ka folur për ankesat që i shkojnë në drejtim të institucionit që drejton, ka thënë se prijnë ato që janë kundër administratës publike të shtetit, pastaj ato gjyqësore.

Jashari ka alarmuar se edhe në sistemin e Shërbimit Korrektues ka shkelje të drejtave të të burgosurve.

“Si është e mundur që dy të burgosur i kanë plotësuar kushtet, njëri lirohet e tjetri jo. Pra ka shumë shkelje”, ka thënë ai, në emisionin “Puls” të KTV.

Sa i përket shkeljeve të drejtave të punëtorëve në sektorin privat gjendja sipas Jasharit, është e rëndë, e tmerrshme e skandaloze.

“Duke filluar nga mungesa e kontratave, nuk lejohen pushimet vjetore i garantuar me ligj, ka kërcënime në rast se kërkojnë të drejtat e tyre”, ka thënë Jashari, përcjell Koha.net. “Duhet urgjent që shteti të merret me këtë”, ka thënë ai.

Avokati i Popullit ka thënë se ndotja e ambientit nuk guxon të mbahet fshehur ndaj qytetarëve si në rastin e Obiliqit.

“Aty ka me qindra raste nga kanceri, astma dhe sëmundje të rënda, e qytetarët e Kosovës nuk e dinë sa janë vendet e tyre të ndotura. Obiliqi është në gjendje kaotike, aty ka ndotje nga tymtarët, ndotje nga piriti në rrugën kryesore, deponia kryesore e bërllokut e cila nuk ka filtra dhe mund të eksplodojë nga gazrat”, ka thënë Jashari.

Jashari ka thënë se edhe pas 18 vjetësh institucionet e Kosovës nuk kanë bërë asgjë për kthimin e djersës së 60 mijë kontributdhënësve që nuk po mund t’i marrin mbi 1 miliard e 800 milionë euro para të tyre që kanë mbetur në fondet e pensioneve në ish-Jugosllavi.

“Si Avokat i Popullit, ne kemi bërë kërkese për t’i kthyer këto para në Gjykatës Evropiane të të Drejtave të Njeriut”, tha ai.

Në trend Lajme

Më shumë
Aksident mes disa automjeteve në Mitrovicë, vdes motoçiklisti

Aksident mes disa automjeteve në Mitrovicë, vdes motoçiklisti

Kronika e Zezë
Ka ndërruar jetë Isuf Kadriu, zv.kryeredaktori i televizionit Alsat

Ka ndërruar jetë Isuf Kadriu, zv.kryeredaktori i televizionit Alsat

Lajme
Pas 15 vitesh, identifikohet edhe një autor i vrasjes së ish-agjentit të antidrogës në Shqipëri

Pas 15 vitesh, identifikohet edhe një autor i vrasjes së ish-agjentit të antidrogës në Shqipëri

Lajme
Vdes në QKUK njëri nga të të lënduarit në aksidentin e mbrëmshëm në Zonën Industriale

Vdes në QKUK njëri nga të të lënduarit në aksidentin e mbrëmshëm në Zonën Industriale

Kronika e Zezë
Presidentja Osmani dhe ambasadori Britanik diskutojnë për zhvillimet politike dhe bashkëpunimin ushtarak

Presidentja Osmani dhe ambasadori Britanik diskutojnë për zhvillimet politike dhe bashkëpunimin ushtarak

Siguri
Dritan Goxhaj: Serbia i sheh shqiptarët si rrezik, po blen armë kudo - ne nuk po armatosemi njësoj si ta

Dritan Goxhaj: Serbia i sheh shqiptarët si rrezik, po blen armë kudo - ne nuk po armatosemi njësoj si ta

Lajme
Kalo në kategori