Në një aktivitet të organizuar nga Unioni i Grave i Partisë Demokristiane të Gjermanisë, në Berlin, ekspertja e njohur shqiptare me qëndrim në Gjermani, Vjollca Hajdari ka mbajtur një ligjëratë mbi aktualitetin në Kosovë dhe në Ballkan.
Para në rrethi të madh të grave të interesuara ajo ka ligjëruar mbi “Situatën politike dhe ekonomike në Kosovë dhe në vendet e Ballkanit”. Është filluar me qytetin e Mitrovicës, pjesa veriore e të cilit është pushtuar nga Serbia dhe ku shqiptarët mund të kalojnë vetëm nën mbrojtjen e KFOR-it. Më tutje të pranishmet janë njoftuar me përbërjen etnike të Kosovës, thuhet në një njoftim të organizatorit, shkruan albinfo.ch.
Në konfliktin e prezantuar si luftë ndëretnike në mes të serbëve dhe shqiptarëve, në fakt kemi të bëjmë me një luftë të ashpër për regjionin e rëndësishëm të minierave, Trepçën. Të gjitha burimet me vlerë të Kosovës si minierat, shumë thesare nëntokësore dhe rezervoarët e mëdhenj të ujit, që kanë rëndësi edhe për prodhimin e energjisë elektrike, i ka përvetësuar Serbia, është shprehur znj. Hajdari. Me këtë veprim janë shuar edhe shumë vende të punës. Kështu, vendi tekstualisht është zhveshur deri në palcë nga pasuritë e veta.
Për shkak të gjendjes jostabile mungojnë investimet ndërsa pa ndihma nga jashtë njerëzit atje nuk mund të mbijetojnë, thuhet më tutje në njoftim. Një boshllëk në marrëveshjen e asociimit pengon marrëdhëniet tregtare në nivel ndërkombëtar. Kështu, vendi është i varur nga importi, BE-ja dhe nga diaspora.
Ndërsa Vjollca Hajdari, nga perspektiva e ligjërueses ka treguar për albinfo.ch se këtë ligjëratë e ka mbajtur më 28 prill, me ftesën e grave të CDU-së.
“Në prag të 1 Majit, Ditës Ndërkombëtare të Punës, në këtë aktivitet raportova – ndër të tjera – për një shtet, i cili përkundër pasurisë marramendëse (nën) tokësore, shënon një shkallë të lartë të papunësisë dhe mungese të perspektivës”, thotë për albinfo.ch Vjollca Hajdari duke shkoqitur përmbajtjen e ligjëratës së saj. “Një shtet, i cili në shekullin 21 nuk e gëzon të drejtën themelore të lëvizjes së lirë – liberalizimin e vizave; Shteti i vetëm, himni i të cilit nuk ka përmbajtje, por që mban emrin “Evropa” – shumë ironike për një vend, i cili është shndërruar në geto brenda hapësirës evropiane”, thekson më tutje znj. Hajdari.
“Në këtë ligjërim unë pasqyrova historinë e Kosovës edhe gjatë periudhës së ish-Jugosllavisë (Ballkanit), dhe po ashtu rolin e Serbisë, politikës kombëtare dhe asaj ndërkombëtare në vend”, përfundon Vjollca Hajdari.
Pjesëmarrëset në këtë takim janë ndarë me njohje më të thelluar për gjendjen në Ballkan, thonë organizatoret duke falënderuar ligjëruesen për bashkëbisedimin intensiv që u ka mundësuar.
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe