LAJMI I FUNDIT:

Pas presidentes kroate, Sheshel u dërgon një mesazh edhe vendeve që e bombarduan Serbinë

Pas presidentes kroate, Sheshel u dërgon një mesazh edhe vendeve që e bombarduan Serbinë

Gati 13 vjet pasi u dorëzua në Hagë, Vojisllav Sheshel u lirua nga të gjitha akuzat. Pas kësaj, ai ka folur nga selia e Partisë Radikale Serbe.

“Zonja dhe zotërinj, më herët më informuan rreth vendimit që solli Gjykata e Hagës. Këtë herë, pas gjithë gjykimeve të padrejta ndaj serbëve, u shfaqen dy gjyqtarë të ndershëm. Ata treguan rezistencë ndaj presionit”, ka thënë Sheshel.

Sipas tij, Radovan Karaxhiç dhe shumë të tjerë nuk ishin gjykuar ndershëm, transmeton Telegrafi.

“Populli serb ka kaluar nëpër vuajtje. Fuqitë perëndimore kanë harruar se kroatët kanë vrarë serbë të pafajshëm dhe kanë dëbuar rreth 600 mijë. Perëndimi bombardoi Serbinë në 1999 për të ndihmuar separatistët shqiptarë në Kosovë. Kjo është e gjitha që ne si komb nuk do ta harrojmë. Ata që na bombarduan nuk mund të presin që të jenë miqtë tanë”, ka shtuar Sheshel. /Telegrafi/

Lexo po ashtu: Pas shpalljes i pafajshëm, mesazhi i parë i Sheshel shkon për presidenten e Kroacisë! (Foto)

Sheshel shpallet i pafajshëm