Kështu mund të duket Mini Countrymani i ri (Foto)

Kompania Mini, në vitin 2014 ka ridizajnuar versionin aktual Countryman, ndërsa gjenerata e re tij, me etiketën koduese F60, pritet të shfaqet në panairin e veturave në Paris si model i vitit 2017.

Njëri nga rivalët e këtij Countryman të ri mund të jetë Crossoveri i vogël, tashmë i paralajmëruar, i kompanisë Audi, ndërsa ueb-faqja italiane “OmniAuto” ka publikuar disa fotografi jo zyrtare në të cilat shihet pamja e mundshme e këtij modeli.

Contryman i ri, ose Countryman II, pritet të jetë më i gjatë se 4.2 metra në krahasim me modelin aktual, më i gjerë, si dhe kapacitetin e bagazhit pritet ta ketë më shumë 450 litra. Në përgjithësi ky model i ri do të jetë më i madh në gamën e vetë.

Natyrisht, kjo veturë do të ketë platformën UKL me sistemin e tërheqjes me rrotat e përparme (paralajmërohet edhe pesha më e lehtë në krahasim me modelin aktual) , transmeton Koha.net.

Gjithashtu për blerësit në dispozicion do të jetë versioni me sistemin e tërheqjes në të gjitha rrotat, 4×4.

Sa i përket motorit, ky model pritet të vjen me disa mundësi për zgjedhjen e motorit, duke filluar nga motori 1.5-litër me tre cilindra, 2.0-litër Turbo me katër cilindra dhe me kapacitet prej 192 kuajfuqi, si dhe motori më i fortë 2.0-litër Twin-Power Turbo me kapacitet prej 231 kuajfuqi. Gjithashtu, disa burime më herët kanë përmendur edhe versionin plug-in hibrid për këtë Countryman të ri, me motorin benzinë 1.5-litër me tre cilindra në kombinim me motorin elektrik.

Ndërkaq, sa i përket prodhimit, gjenerata e re e Countryman, sipas disa njoftimeve të mëparshme, pritet të fillojë në fabrikën “VDL NedCar” në Born të Holandës, si dhe në fabrikën “Oxford” në Britani.