Si i zgjedhin dhuratat meshkujt

Derisa femrat do të analizojnë shijen e personit të cilit ia dedikojnë dhuratën dhe peshojnë nëse personi që kanë shënjestër është “emotiv” apo “praktik”, dhe dhuratën t’ia përshtatin personalitetit të tij, meshkujt blejnë dhuratë për ta mahnitur partneren e vet, pohojnë hulumtuesit amerikanë.

“Femrat i duan stolitë, ose kështu të paktën mendojnë meshkujt, ndërsa meshkujt dëshirojnë të jenë të qetë se si shija e tyre sa i përket stolisë është e mirë”, pohon Nelson Barber, profesor në Universitetin e Hampshire.

Me fjalë tjera, meshkujt do të zgjedhin rrugën më pak të mundimshme dhe do të blejnë dhuratën e cila kërkon më së paku interaksion me shitëset dhe më sa paku shanse për t’u refuzuar nga dama, transmeton Koha.net. Në atë mënyrë nuk kanë nevojë të brengosen rreth numrin tuaj të konfeksionit, ngjyrës të cilën pëlqeni ta vishni dhe stilit që ju përshtatet.

“Në esencë, meshkujt janë më të prirë për të shpenzuar para për gjëra më të mëdha, me rrezikshmëri më të ulët të cilat e kanë atë “faktorin wow”, ka deklaruar Barber.

Kështu shumica e pjesëtarëve të gjinisë më të fortë do të zgjedhin parfum ose stoli dhe të largohen nga dhuratat potencialisht të rrezikshme, siç janë pjesë të veshjeve dhe të brendshmet. Pse?

Kjo do të thotë që ata do duhej të bisedojnë me shitëset për numrin tuaj, formën e trupit, për atë a ju pëlqen më shumë dantella apo kompletet e pambukut. Shumë informata të cilat ata nuk i dinë e lëre më t’i ndajnë me njerëzit e huaj!

“Meshkujt sillen si gjuetarë kur blejnë. E synojnë subjektin dhe vendosin ta kapin – ta blejnë. Pastaj menjëherë dalin nga dyqani. Femrat sillen ndryshe. Ato me kënaqësi do të shikojnë veshjet e ekspozuara dhe koleksionet e shtesave të modës dhe do të zgjedhin rrugën më të gjatë nëpër dyqanin e këpucëve. Ato pëlqejnë ta spërkasin veten me parfum para blerjes. Po ashtu, femrat në masë më të madhe do të kënaqen dhe do ta vlerësojnë interaksionin me shitëset”, ka konkluduar Barber. /Telegrafi/