Ukraina drejt kolapsit financiar

Ukrainës më shumë gjasa do ti duhen edhe 15 miliardë dollarë për të shpëtuar ekonominë e saj, e cila duket në prag të kolapsit.

Ka qenë Fondi Monetar Ndërkombëtar ai që ka zbuluar këtë mangësi prej 15 miliardë dollarësh. Kjo vrimë e zezë në financat e vendit shihet si tepër problematike duke pasur parasysh këtu edhe hapat me të cilat po ecën ekonomia Botërore.

Vendet të cilat do të tregoheshin të gatshme për të ndihmuar Ukrainën të dilte nga kjo situatë alarmante do të ishin të pakta në numër. Rrethuar nga konfilktet në zonat e saj më të rëndësishme ekonomike dhe nga kolapsi i eksporteve drejt Rusisë, ekonomia ukrainase pritet të pësojë një tkurrje prej 7% gjatë këtij viti. Këto të dhëna janë publikuar nga vetë qeveria e vendit.

Tkurrje kanë pësuar edhe rezervat në monedhën vendase, duke shtuar shqetësimet se Banka Qëndore nuk do të jetë në gjendje të sigurojë jetëgjatësinë e monedhës kombëtare. Kjo monedhë e cila ka shënuar edhe performancën më të keqe në Botë gjatë këtij viti, vazhdon ende në rënie. Ndërkohë që shifrat për inflacionin reflektojnë një situatë edhe më dramatike, 22% vetëm në muajin nëntor.

Përballë një gjendje ku çmimet janë rritur me më shumë se 50% brenda një muaji, Ukraina po hyn në territorin e rrezikshëm të hiperinflacionit. Nëse programi I shpëtimit në Ukrainë do të dështonte, do të nxirrte në pah probleme edhe më të mëdha për qeverinë pro-perëndimore të vendit e udhëhequr nga kryeministri Arseny Yatsenuk dhe presidenti Poroshenko.

Kohët e fundit vendi është bërë një simbol domethënës i marrëdhënieve mes Perëndimit dhe Rusisë. Momenti i vetëm i lehtësimit për vendin ka qenë vendimi për të rinisur furnizimin me gaz nga ana e Rusisë drejt fqinjëve të tyre. /Telegrafi/