Nga 100 deri në 500 euro shtesë do të përfitojnë një pjesë e punonjësve të Qeverisë së Kosovës çdo muaj bazuar në vendimin e kësaj të fundit që të vazhdojë skemën e Fondit për Kuadro.
Ndonëse në muajin prill ishte rekomanduar nga Ministria e Administratës Publike që të pezullohen pagesat për zyrtarët e institucioneve nga ky fond, ky rekomandim është shpërfillur më datën 12 gusht, nga i pari i Qeverisë së Kosovës, Isa Mustafa, kur ka nënshkruar që të ndahen gjysmë milioni euro për stafin e 19 ministrive.`
Sipas këtij vendimi, të cilin e posedon Gazeta Fjala, Ministria e Financave e udhëhequr nga Avdullah Hoti i Lidhjes Demokratike të Kosovës dhe Zyra e Kryeministrit do të jenë përfituesit më të mëdhenj të këtij fondi.
Për kolegët e Hotit në ministri janë ndarë 110 mijë euro ndërsa 50 mijë euro do të shkojnë tek Zyra e Kryeministrit Mustafa.
Në anën tjetër, Ministria e Diasporës, që udhëhiqet nga Lëvizja për Bashkim, e që është partia më e vogël e koalicionit qeverisës, do të jetë përfituesja më e vogël e këtij fondi, me vetëm 5 mijë euro nga kjo skemë.
Kuadrot do të paguhen retroaktivisht
Në vendim thuhet se pagesat do të bëhen retroaktivisht duke filluar nga data 1 janar 2015, që përfshinë pagesat e stafit edhe për periudhën sa fondi ishte i pezulluar.
Fondi për Kuadro është themeluar me vendim të qeverisë së për të krijuar dhe zhvilluar përvojën, kualifikimet dhe shkathtësitë në pozita strategjike dhe prioritare të dikastereve qeveritare.
Sipas përshkrimit të qëllimi të fondi në faqen zyrtare të kryeministrisë, thuhet se Fondi për Kuadro në radhë të parë “synon të mbështesë pozitat ekzistuese në Shërbimin Civil të cilat edhe tani financohen nga buxheti i shtetit në të njëjtën kohë ka për qëllim të sjellë kuadro të reja të kualifikuara dhe me përvojë. “
Gazeta Fjala ka tentuar të marrë përgjigje rreth asaj se pse qeveria ka vendosur të shpërfillë rekomandimin e Ministrisë së Administratës Publike për pezullimin e këtij fondi, por zëdhënësi Arban Abrashi nuk ka kthyer përgjigje në pyetjet e dërguara.
Në anën tjetër, drejtori i Qendrës për Hulumtime Strategjike dhe Sociale, Ibrahim Rexhepi është shprehur kritik ndaj këtij fondi dhe ka kërkuar që të ndryshohet mënyra e funksionimit të tij.
“Ai duhet të ekzistojë, por si fond për bursa. Më saktë, fond për shkollimin e profileve të caktuara deficitare, madje në universitetet më prestigjioze në botë. Në këtë mënyrë mekanizmat qeveritar paraprakisht përgatisin profile qe iu duhen, por në të njëjtën kohë është një mundësi që të ndihmohen nxënësit apo studentët me aftësi të larte, por që nuk kanë mundësi shkollimi”, ka thënë Rexhepi.
Ai tha se Fondi për Kuadro është fond i shpërblimit të individëve të caktuar dhe se nuk ka pasur kritere të qarta se kush duhet të përfitojë nga këto mjete.
“Ky fond është një mundësi e mirë e përftimit apo edhe e shpërblimit të individëve nga ana e ministrive, apo e dikastereve të tjera qeveritare. Madje mungon edhe ndonjë raport gjithpërmbledhës për të bërë transparente shumën e parave, burimin e tyre, mënyrën e shpërndarjes, individët që kanë përfituar dhe kualifikimet e tyre”, ka shtuar ai.
LDK kritikonte Fondin para se të vinte në pushtet
Lidhja Demokratike e Kosovës (LDK) pati akuzuar Qeverinë e Kosovës se po keqpërdor rreth 1 milion euro para publike në emër të Fondit për Kuadro. Në vitin 2013, rasti më eklatant, sipas kësaj partie, ishte ministrja Kusari-Lila, e cila nga ky fond paguante militantë partiakë.
LDK tërhiqte vërejtjen se nëpër ministri të ndryshme, persona me thirrje të njëjtë profesionale paguhen ndryshe varësisht nga afërsia e tyre me partitë në pushtet. “Disa nga personat e përfshirë në këtë skemë janë të tillë që sapo kanë filluar punën dhe nuk kanë asnjë përvojë. Disa të tjerë janë pa ndonjë ngritje të veçantë profesionale”, ishte qëndrimi i LDK-së në atë kohë. /Gazeta Fjala/Telegrafi/
Promo
Reklamo këtuLufta Prigozhin - Putin
Më shumëNga Rubrika
Lansohet rrjeti që mundëson luftimin e pastrimit të parave dhe financimin e terrorizmit
Samiti i Sigurisë Adria 2024 hapet zyrtarisht në Sarajevë – ngjarja më e madhe e industrisë së sigurisë në Evropën Juglindore
Mustafa: Vetëm 18% e grave në Kosovë janë të angazhuara në sektorin e biznesit
Informata të rëndësishme për konsumatorët e ujit në regjionin e Prishtinës
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
U mbajt konferenca “Turizmi i Qëndrueshëm” - Peja, Prizreni dhe Prishtina, destinacionet kryesore të turizmit në Kosovë
Misteri i shpikësit të Bitcoin
Si Vetura Scout ndryshoi mënyrën se si shqiptarët bëjnë shitblerje të veturave në Kosovë!
19 vite rrugëtim me ETC: Një muaj plot oferta dhe festë për ju!
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Gjeti i pari trupin e Adem Jasharit, rrëfimi i mjekut, Gërxhaliu: Ndjeva se ‘takova’ historinë, kisha emocione dhe e putha në ballë
Rohde: Nuk kërkohet që Kosova të ketë vendim final për Asociacionin
Tragjedi nga Athina: Lojtari i Kombëtares së Greqisë, ish lojtari i Sheffield United është gjetur i vdekur në pishinë
"Unë e Fatmiri shpëtuam, por u vra Kastriot Kelmendi me babë e vëlla" - vrasjet në Kosovë, Musliu: Ja si manipulon Serbia me dokumente false
Neymar, Trent dhe 9 lojtarë të tjerë që Barcelona mund t'i transferojë falas në vitin 2025
Fanella me të cilën Palmer realizoi rekord shitet për shifër rekorde në ankand