Institucionet e Kosovës kanë dështuar në luftimin e ekonomisë joformale gjatë vitit2015, vlerësojnë përfaqësues të shoqatave ekonomike dhe pronarë të bizneseve. Ata tregojnë se kjo dukuri po vazhdon të jetë mjaft prezentë në ekonominë e vendit dhe si e tillë, ka dëmtuar jashtëzakonisht bizneset formale.
Në vitin 2014, institucionet ndërkombëtare financiare dhe vetë Ministria e Financave në Qeverinë e Kosovës, kishin vlerësuar se ekonomia joligjore në Kosovë është 34.4 për qind, që përkthyer në shifra, 450 milionë euro në vit janë taksa të pambledhura për buxhetin e Kosovës.
Ekonomia e paligjshme në Kosovë, sipas kryetarit të Aleancës Kosovare të Biznesit Agim Shahini, ka shënuar rritje gjatë këtij viti. “Sipas hulumtime tona, në vitin e kaluar ekonomia formale kishte shënuar rritje krahasuar me një vit më parë, edhe tani ekonomia joformale nga 35 për qind sa ishte në vitin e kaluar, në këtë vit është rritur në 38 për qind. Këtu janë miliona euro të buxhetit të konsoliduar të Kosovës, të cilat humbin si pasojë e ekonomisë së paligjshme”, thekson Shahini.
Përveç buxhetit të Kosovës, i cili pëson humbje të mëdha nga ekonomia joformale, një dëm i madh u shkaktohet edhe bizneseve.
Shaqir Palushi, pronar i kompanisë “Frutex” nga Suhareka, e cila merret me prodhimin e pijeve joalkoolike dhe energjike, ka treguar për Radion Evropa e Lirë se bizneset e rregullta janë duke u dëmtuar nga bizneset joformale. “Tani e 16 vjet nuk është bërë mjaft në luftimin e ekonomisë joformale dhe e gjithë kjo dëmton bizneset formale, sepse ne paguajmë me qindra e mijëra euro në buxhetin e Kosovës, si dhe në raport me bizneset joformale, ne nuk arrijmë të jemi konkurrentë në treg”, thekson Palushi.
Ministri i Financave në Qeverinë e Kosovës, Avdullah Hoti, kishte treguar për Radion Evropa e Lirë, se gjatë këtij viti kishin ndërmarrë veprime me të cilat kishin arritur ta zbusin nivelin e ekonomisë jo formale.
Hoti kishte thënë se gjatë këtij viti ka pasur rritje të të hyrave në Administratën Tatimore të Kosovës, gjë që sipas tij, tregon se ekonomia e paligjshme ka shënuar rënie.
Ministri Hoti ka thënë se po krijojnë nxitje të ndryshme që bizneset ta gjejnë veten më mirë që të operojnë në sektorin formal.
Ai ka treguar se nga Fondi për garantimin e kredive i cili do të fillojë së shpejti të zbatohet do të përftojnë vetëm bizneset formale që kanë historik të mirë të pasqyrave financiare.
Sidoqoftë, kryetari i Aleancës Kosovare të Biznesit, Agim Shahini konsideron se ekonomia e paligjshme në Kosovë, është duke e shkaktuar moskontrolli i duhur i pikave kufitare nga autoritetet e vendit si dhe bashkëpunimi i bizneseve joformale me autoritetet kompetente. “Ekonominë joformale në disa raste e kanë ndihmuar edhe inspektorët doganorë. Gjithmonë informaliteti dhe korrupsioni kërkojnë palë të interesit dhe këtu kontrabandistët kanë gjetur njerëz të autoriteteve kompetente”, thotë Shahini.
Nga janari i këtij viti e deri në muajin maj, Doganat e Kosovës kishin hapur rreth 19 raste disiplinore me rreth 40 zyrtarë të dyshuar për shkelje të procedurave doganore.
Rastet kishin të bënin me korrupsion, keqpërdorim të pozitës apo autoritetit zyrtar, shkelje të ndryshme të Rregullores së Punës së Doganave dhe shkelje tjera ligjore. /Rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
“Tiny Realms Under Surreal Tides”, faqe e re e bashkëpunimit midis artit dhe pasurive të paluajtshme
India, anëtare e BRICS refuzon de-dollarizimin – përqafon dollarin amerikan
KosICT 2024, edicioni i 13-të i Festivalit të Teknologjisë mbledh ekspertë globalë dhe ofron mundësi për të rinjtë
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp