Mbahen garat automobilistike në Shalë të Bajgorës

Blerand Hasanaj nga Auto Klubi DTM e ka arritur kohën më të shpejtë në garën, që u zhvillua në Shalë të Bajgorës, shteg i cili ishte “i pensionuar” tash e 11 vjet. Në përgjithësi gara i ka arsyetuar pritjet, pasi garuesit e dhanë maksimumin, ndërsa në shumicën e kategorive rivaliteti ishte mjaft i madh.

Kryetaqri i FASK-së, Ismet Rexhepi, është shprehur i kënaqur me ecurinë e garës, por më tepër i është gëzuar rikthimit të garës në Shalë. “Jemi të kënaqur me atë që të gjithë të pranishmit e panë në garën e sotme. Pati rivalitet, emocione dhe adrenalinë, por për mua fitorja më e madhe është rikthimi i garës në Shalë, e cila garuesve dhe dashamirëve të këtij sport u ka munguar tash e 11 vjet”, është shprehur Rexhepi.

Në kategorinë e parë edhe kësaj radhe dominuan anëtarët e Auto Klubit Prizreni, të cilët u renditën në tri pozitat e para. Ndërkaq, kategoria e dytë kaloi në shenjë të sukseseve të klubeve nga kryeqyteti, Prishtina RCP dhe Prishtina RT.

Përparim Dushi nga Prishtina RT e ka vazhduar dominimin absolut në kategorinë e tretë, madje kësaj radhe ishte afro 17 sekonda më i shpejtë se përcjellësi më i afërt, Bujar Gola nga Gjakova 137.

Në kategorinë e katërt, Arbnor Musliu nga Prishtina RCP edhe njëherë dëshmoi se është shumë i mirë në garat malore, sikur edhe Blerand Hasanaj, i cili triumfoi në kategorinë e pestë.

Ndërkaq, me rezultate të mira ka vazhduar edhe Bardhyl Canolli, i cili doli i pari në kategorinë e gjashtë.

Në plasmanin e përgjithshëm kohën më të mirë e pati Blerand Hasanaj (04:00.521 minuta), ndërsa pas tij u renditën Përparim Dushi (04:02.630) dhe Gentian Kulla (04:07.553).

Në konkurrencën ekipore më e suksesshmja doli Prishtina RCP, e dyta Prishtina RT, ndërsa pozita e tretë i takoi Prizrenit D&G.

Rezultatet sipas kategorive

Kategoria e parë:

Bekim Kovaçi (Yugo – Prizreni D&G) 04:26.334

Afrim Spahi (Yugo – Prizreni D&G) + 08.931

Kreshnik Mariqi (Opel – Prizreni D&G) + 12.868

Kategoria e dytë:

Besnik Çitaku (Opel – Prishtina RCP 04:22.323

Florim Rama (Peugeot – Prishtina RT) + 18.812

Artan Jahja (Suzuki – Prishtina RT) + 37.727

Kategoria e tretë:

Përparim Dushi (Honda – Prishtinaq RT) 04:02.630

Bujar Gola (Yugo – Gjakova 137) + 16.784

Besar Pruthi (Honda – Gjakova 137) + 21.620

Kategoria e katërt:

Arbnor Musliu (Opel – Prishtina RCP) 04:08.245

Besfort Bunjaku (Renault – Ferizaj) + 13.520

Arbër Rexhepi (Golf – Ferizaj) + 14.564

Kategoria e pestë:

Blerand Hasanaj (Opel – DTM) 04:00.521

Gentian Kulla (Honda – DDA) + 07/032

Naim Dashaj (Subaru – Prishtina RT) + 22.606

Kategoria e gjashtë:

Bardhyl Canolli (BMW – Prishtina RT) 04:09.350

Xhemshit Hasani (Opel – Prishtina RCP) + 03.941