I njohim të gjithë llojet e djathërave?

GOUDA

Malli më i famshëm i eksportit holandez (përveç tulipanëve) është ky djathë i verdhë i mirë, shpesh i paketuar në dyllë të kuq dhe celofan. I bërë nga qumështi i lopës, Gouda njihet përgjithësisht për shijen e tij të butë dhe të lehtë dhe sipërfaqen e lëmuar. Gjendet edhe i tymosur por me shije ekstra të fortë. Por gouda vërtetë e shijshme është ajo e staxhionuar për më shumë se 18 muaj. Kthehet në ngjyrë qelibari dhe ka një shije pothuajse të ëmbël, si karamele e djegur. Provojeni! Priteni në copa dhe shoqërojeni me verë të kuqe ose birrë, është e mrekullueshme.

MUENSTER

Djathi Muenster klasik nuk është i njohur më pak për shijen sesa për aromën e tij. Rrënjët nga Alsasa e Francës, e bërë nga murgjit, me origjinë të emrit nga latinishtja që do të thotë “manastir”. Është djathë nga qumështi i lopës. Të tillë djathëra qëndrojnë rregullisht në shëllirë gjatë fermentimit për të marrë aromën nga rritja e disa baktereve të caktuara. Muenster klasik ka pjesën e brendshme të butë dhe pothuajse të lëngshme dhe shije të fortë dhe pjesën e jashtme në ngjyrë portokalli.

STILTON

Quhet edhe “Mbreti i Djathit Anglez”. Është djathë i fortë, me vena blu dhe e meriton një titull të tillë. Djegës, pikant, kremoz dhe aromatik, Stilton është një djathë gjysmë i butë nga qumështi i lopës, i përgatitur sipas rregullave strikte vetëm në 3 vende të Anglisë. Njihen dy lloje: blu dhe i bardhë, ndonëse i bardhi është shumë më pak i njohur dhe shkon më shumë më frutat. Stilton është një dyllë në pjatën e djathërave dhe shoqërohet me biskota të forta, fruta dhe verë të kuqe. Gjithashtu përdoret edhe në sallam dhe salca.

FETA

Kjo dhuratë e kripur dhe pikante nga Greqia është përhapur shumë gjatë viteve të fundit por ka qenë djathi i preferuar përgjatë Mesdheut për shekuj të tërë. Ajo që e bën të veçantë nga djathërat e tjerë është se, ai konservohet në shëllirë, duke i dhënë një shije të rrallë dhe të fortë (ndonjëherë quhet djathi turshi). Tradicionalisht, feta prodhohet nga qumështi i dhisë apo i deles por në ditët e sotme ai shpesh bëhet me qumësht lope. Gjiza kripëset, pritet, paketohet në fuçi me shëllirë apo hirrë dhe më pas presohet në kallëpe katrorë. Feta variron nga i butë në gjysmë i fortë, me një përbërje të thërrmueshme dhe të pasur, shije të fortë dhe që bëhet më pikant me kalimin e kohës.

PARMIGIANO REGGIANO

Djathi më i famshëm italian (dhe më i kopjuari), Parmigiano-Reggiano i vërtetë bëhet ekskluzivisht nga qumështi i lopës në krahinën në afërsi të Parmës në Itali. Ka një shije të veçantë, atë të arrës. Vetëm djathi i bërë në Parma, në Itali mund të quhet Parmiggiano-Regianno; djathërat me etiketa Parmesan apo Parmigiano prodhohen diku tjetër. Një djathë i fortë i staxhionuar për rreth dy vjet, përdoret më shumë për gatim dhe skarë. Përpiquni të përdorni një thikë zarzavatesh për të bërë kaçurrela mbi pasta dhe makarona apo sallata-duket mrekulli dhe është i shijshëm.

BRIE

Një nga djathërat më të njohur francezë, i ka dhënë kënaqësi pallateve franceze prej shek. VIII. Është gjalpë i zbutur brenda, ka një shije të pasur dhe kremoze e shkrin lehtë. Brie është pjesa kryesore dhe më e shkëlqyer e një pjate drithërash, sepse është garantues i kënaqësisë. Zgjidhni atë që është i shkrirë në mes dhe ka ngjyrë kafe në sipërfaqe – kjo është një shenjë që tregon se është i përshtatshëm.