Në luftën kundër baktereve, hulumtuesit kanë shënuar një goditje direkte. Ata kanë bërë një zbulim i cili do të shkurtonte rrugën e antibiotikëve të rinj dhe të fuqishëm.
Burimi: University of Illinois
Zhvillimi i shpejtë i rezistencës bakteriale ndaj antibiotikëve tradicionalë (si penicilina ose vankomicina) është bërë një shqetësim i madh në shëndetësinë publike. Meqenëse bakteret rezistente mund të zhvillohen më shpejtë sesa prodhimi i antibiotikëve të rinj, të kuptuarit se si këto molekula funksionojnë, mund t’i ndihmojë fabrikat e barnave që të fokusohen në prodhimin dhe nxjerrjen sa më të shpejt në treg të antibiotikëve të fuqishëm.
Siç raportohet, shkencëtarët kanë deshifruar mekanizmin molekular të aktivitetit selektiv antimikrobik për një klasë prototipe të përbërësve sintetik. Substancat, të cilat imitojnë peptidet antimikrobike të gjetura në sistemet imune biologjike, funksionojnë si “hapëse vrimash” molekulare duke çelur membranat e baktereve. Është njësoj sikur t’i gjuash me një breshëri plumbash me përmasa nanometrike, kështu membranat e perforuara shfryhen dhe si pasojë bakteret vdesin. Hulumtuesit, po ashtu, përcaktuan pse disa nga substancat veprojnë vetëm në baktere, përderisa të tjerat vrasin gjithçka që arrijnë, përfshirë edhe qelizat humane. Kjo metodë mund të përdoret për deshifrimin e mekanizmave më të komplikuar të molekulave antimikrobike. ”Nëse do të kuptohej se si këto molekula punojnë, atëherë do të mund të grumbullonim një arsenal molekulash vrasëse me ndonjë variacion të vogël dhe nuk do të shqetësoheshim për rezistencën antimikrobike” – thonë studiuesit.
Në një bashkëpunim ndërmjet Universitetit të Ilinoisit dhe Universitetit të Massachusetts, studiuesit fillimisht sintetizuan një klasë prototipesh të përbërësve antimikrobikë, pastaj përdorën një sinkrotron me kënd të ngushtë të rrezeve X për të ekzaminuar strukturat e bëra nga përbërësit sintetik dhe membranat qelizore.
Membrana qelizore (në përbërje të së cilës përfshihen edhe disa lipide që u ngjajnë koneve të trafikut) rregullon kalimin e lëndëve nga jashtë-brenda dhe anasjelltas. Në prani të molekulave antimikrobike të studiuesve, lipidet në formë koni grumbullohen dhe përdridhen nëpër hapjet cilindrike që e shpojnë membranën. Pas kësaj ndodh vdekja e qelizës.
Efektiviteti i një molekule antimikrobike varet nga koncentrimi i lipideve membranore në formë koni dhe nga forma e molekulës antimikrobike. P.sh., duke ndryshuar lehtë gjatësinë e molekulës sintetike, hulumtuesit krijuan molekula antimikrobike të cilat nuk do të kishin asnjë efekt, ose do të vrisnin vetëm bakteret, ose do te vrisnin gjithçka që arrijnë.
Duke kuptuar se si këta molekula i vrasin bakteret dhe, si të prevenohet veprimi i tyre i dëmshëm në qelizat njerëzore, mund të zhvillohet një mënyrë direkte dhe racionale për prodhimin e antibiotikëve të rinj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Embolia pulmonare është një pasojë më e madhe e vdekjes sesa ataku në zemër: Simptomat kryesore shihen në këmbë
Cilat ushqime kanë më shumë vitaminë C? Është e rëndësishme të mos e teproni, kjo është doza e lejuar
Ilaçet natyrore që e ndalin teshtimën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City