Ngritja në paralele

Ushtrimi bën pjesë në grupin e ushtrimeve bazike dhe shërben për forcimin dhe zhvillimin e muskujve të tricepsave, por njëkohësisht stimulon dhe zhvillon edhe muskujt e gjoksit dhe krahëve.

Idriz Humolli,
www.fitness-prishtina.com

Se a do të stimulojë gjatë ekzekutimit më tepër njërën apo tjetrin grup të muskujve të përmendur varet nga pozita e trupit, respektivisht duarve dhe këmbëve, prandaj për t’i stimuluar më tepër tricepsat ngritja dhe lëshimi i trupit në paralele bëhet duke mbajtur trupin drejtë, këmbët e lakuara në gjunjë, ndërsa gjunjët të qitur pak ca përpara, kurse bërrylat gjatë tërë lëvizjeve duhet të jenë afër trupit.

Me rastin e ngritjes së trupit duart duhet të shtrihen plotësisht deri sa lëshuarja në pozitën fillestare bëhet në lartësi të shuplakave të duarve. Ushtrimi është i përshtatshëm të ekzekutohet edhe me përdorimin e peshës plotësuese.

Me rastin e lëshimit të trupit në pozitën fillestare merret fryma, ndërsa fryma nxirret jashtë gjatë ngritjes së trupit dhe shtrirjes së plotë të duarve.

Ushtrimi bën pjesë në grupin e ushtrimeve bazike dhe shërben për forcimin dhe zhvillimin e muskujve të tricepsave, por njëkohësisht stimulon dhe zhvillon edhe muskujt e gjoksit dhe krahëve. /Telegrafi/