Gjërat që askush s’i di para martesës

Kurorëzimi i dashurisë me martesë, është njëri ndër vendimet më të vështira që një person mund të marrë.

Duke qenë se parashihet që pjesën tjetër të jetës ta kalojë me atë person, kur një individ ndodhet para vendimit “të martohet apo jo” sigurisht që përballet me shumë pasiguri.

Të qenit në martesë, është njëri ndër raportet më të ndërlikuara njerëzore dhe si i tillë paraqitet me shumë vështirësi.

Janë disa detaje të vogla që askush s’i di para se të martohet.

Martesa s’ka të bëjë me të dhënit 50/50

Martesa ka të bëjë me të dhënit 100% nga vetja për personin me të cilin jeni të lidhur. Në momentin që filloni të mbani në mend “të gjitha gjërat që ju i bëni gjatë gjithë kohës” dhe kur prisni që përkushtimi të jetë 50/50, ju mund ta bëni bashkëshortin apo bashkëshorten të mos mund t’ju durojë më.

Të fokusuarit në atë se çfarë partneri juaj nuk bën, do ta rrisë pakënaqësinë tuaj. Në vend se të mendoni çfarë bëri e çfarë nuk bëri, është më mirë që të përqendroheni e ta bëni partnerin tuaj që të ndjehet shumë special.

Gjërat e vështira ju afrojnë

Gjëra shumë të vështira mund të ju ndodhin në jetë, dhe disa çifte shpesh lodhen nga njëri tjetri.

Të gjithë përballen me stresin në mënyra të ndryshme por ajo që duhet të bëni është të komunikoni në vazhdimësi dhe të mos e ndërprisni asnjëherë përkushtimin për njëri tjetrin.

E qeshura zgjidhë shumë probleme

Të pasurit e një sensi të mirë humori dhe të qeshurat, janë faktorë shumë të rëndësishëm të një martese të lumtur. Kur ju ia arrini të qeshni bashkë, edhe kohërat e vështira janë më pak të rënda.