Shumë zhurmë për fare pak seks!

Nëse, siç perceptohet nga masa, seksi është gjithçka që duam, gjithçka mendojmë, gjithçka që na motivon, atëherë përse kur më në fund nisim të kryejmë aktin seksual, ai përfundon aq

Gazetarja e New York Magazine, Maureen O’Connor vëren një zgjatje të konsiderueshme të kohës së seksit në vite: në një studim të biologut dhe seksologut Alfred Kinsey, në vitin 1948, tregohet se atëherë 75% e meshkujve ejakulonin brenda vetëm dy minutave.

Ndërsa tani, sipas librit “The Sex Myth” (Miti i Seksit) të autores Rachel Hills, kohëzgjatja mesatare e seksit është nga 5.7 në 7.5 minuta.

Sipas O’ Connor, ajo çfarë ka ndryshuar lidhet pikërisht me Revolucionin Seksual të viteve ’70. Ishte koha kur meshkujt që ejakulonin më parë se femra filluan të quheshin “ejakulues të parakohshëm”. Që atëherë, kërkesa për të kënaqur partneren është kthyer në një qëllim kryesor.

Një tjetër studim që na sjell O’Connor është ai i vitit 2008, sipas të cilit “seksi i shkurtër” quhet ai që zgjat 1-2 minuta, i përshtatshëm ai që zgjat 3-5 minuta ndërsa seksi i dëshirueshëm do të ishte 7-13 minuta.

“Seksi shumë i gjatë” do të quhej ai që zgjat deri në 30 minuta. Gjithçka tjetër më e gjatë se 40 minuta, nuk është veçse një mburrje nga ato të Kanye West.