Rreziku nga xhelozia

Xhelozia mund të ketë pasoja të papara. Psikologët thonë se të jetuarit në lidhje ku skenat e xhelozisë janë të shpeshta apo të përditshme, është në dëm të rrjedhës normale të asaj lidhjeje sado ideale të jetë ajo.

Ata kanë konkluduar se xhelozia e gabuar, mund të ketë pasoja aq të paparashikueshme, sa mund të vijë deri te sëmundja fatale, e cila rezulton me veprime të nxituara, transmeton Telegrafi.

Nga disa psikologë, xhelozia është përkufizuar si ndjenjë çuditërisht e zjarrtë, ndaj përpjekjeve jo ekzistuese për rrëmbimin e “pronës”. Dobia e vetme nga kjo gjendje, e cila paralajmëron ndarje, është fakti, sipas të cilit shfaqja e xhelozisë iniciohet nga dashuria, sa do paradoksale të jetë ajo.]

Xhelozia është e rrezikshme
Kur jeni xheloz, do të thotë se personi të cilin nuk e keni afër po bën diçka të keqe dhe ju nuk keni besim në të. Kështu, nëpër mend ju sillen mendime se personi i dashur po ju tradhton dhe se do t’ju braktisë shkaku i dikujt tjetër. Pra, është e dukshme se xhelozia është themeli për të shkatërruar diçka të mirë.

Pa besim të ndërsjellë nuk mund të ketë lidhje të lumtur. I (e) dashura juaj duhet t’jua thotë me kë ishte në drekë, çfarë kishte ngrënë, cilët kamerierë po punonin, sa kishte kushtuar dreka, cilën rrugë kishte përdorur për t’u kthyer në shtëpi. Kjo lloj xhelozie pafundësisht është e pakëndshme, por disi është dhe një lloj i dhunës psikologjike. Për fat të keq, shpesh ndodh që kjo xhelozi të nxitë edhe dhunë fizike.

Cilat janë arsyet për xhelozinë e tepruar?
Nganjëherë arsyet fshihen në të kaluarën. Nëse paraprakisht keni pasur një të dashur i (e) cila pandërprerë ju ka gënjyer dhe ju ka tradhtuar nuk është për t’u çuditur pse jeni xheloz dhe nuk keni besim. Gjithnjë keni brengën se dikush do t’ua ‘kidnapojë’ partnerin dhe dëshironi ta dini secilin hap dhe lëvizje që bën. Nganjëherë mendoni se ju nuk e meritoni partnerin, e kjo vjen si pasojë e humbjes së vetëbesimit.

Por, duhet ta dini se të gjithë njerëzit që shfaqet në të ardhmen tek ju nuk mund t’i paragjykoni shkaku i së kaluarës suaj. Filloni ta fitoni vetë-respektin dhe vetëbesimin dhe mos u merrni me personin tjetër, ngase kjo nuk do t’ju sjellë kurrfarë dobie. Xhelozia është zgjedhja më e keqe e mundshme e problemeve tuaja.

Mos i humbni shpresat dhe shikojeni realitetin
Nëse ju sulmon xhelozia, tentoni të qetësoheni dhe të vështroni atë që po ndodh në realitet dhe atë në kokën tuaj. Mos shtroni shumë pyetje partnerit, apo vetëm ndërrojini vendet dhe mendojeni se si do të ndiheshit po t’ju marrë në pyetje partneri juve. Me xhelozi vetëm sa do ta largoni partnerin nga ju, e në fund ju do të mbeteni të pikëlluar. Nëse nuk mund ta kontrolloni veten tuaj, është koha të kërkoni ndihmë dhe ta filloni terapinë. /Telegrafi/