Si ndikon edukimi tek seksi

Përgjithësisht lidhjet tona të para më të rëndësishme janë brenda familjes sonë. Duke parë se si sillen njerëzit me ju dhe me njëri-tjetrin, filloni të krijoni një histori rreth asaj se çfarë janë në të vërtetë marrëdhëniet.

Si një fëmijë, ju merrni mesazhe të cilat do t’i ruani edhe për shumë vite të tjera të jetës suaj, transmeton telegrafi. Nëse e keni të lehtë të shfaqni emocionet tuaja dhe të thoni atë çfarë mendoni në të vërtetë, ka të ngjarë që të jeni rritur në një familje ku jeni inkurajuar të jeni i hapur rreth asaj çfarë ndjeni.

Keni parë njerëz të zihen dhe pastaj të pajtohen përsëri. Kjo u ka mësuar se konflikti nuk është fundi i botës dhe se komunikimi është një mënyrë shumë e mirë për të bërë jetën më të mirë.

Lidhjet më të forta krijohen atëherë kur individët shprehin sinqerisht veten e tyre dhe nuk i mbajnë partnerit asnjë të fshehtë. Kur të rinjtë rriten e kanë të vështirë të krijojnë një marrëdhënie për shkak të konkurrencës dhe ajo çfarë i ndikon ata është “menaxhimi” i keq i autoritetit dhe kontrollit.

Nëse në fëmijëri keni mësuar se ndarja ishte diçka emocionuese edhe kur të jeni rritur do të “kënaqeni” shumë nga ndarja. Nëse jeni rritur duke kuptuar se disa rregulla të caktuara ishin në interesin tuaj më të mirë, atëherë do ta keni më të lehtë për të evituar problemet me autoritetin.

Të gjithë kanë nevojë të kenë kontroll mbi jetën e vet dhe një fëmije të cilit i është dhënë përgjegjësi që në fëmijëri, atëherë mundësia që kur të rritet ai/ajo të jetë më i përgjegjshëm dhe i sigurt në vendimet që merr kur të rritet.

Duke parë këto marrëdhënie kyçe, mësojmë se çfarë do të thotë të jesh çift duke parë prindërit tanë. Edhe nëse jeni rritur në një familje me vetëm njërin prind pranë jush, keni mësuar se çfarë do të thotë të jesh vetëm dhe të mos kesh askënd pranë për të dhënë mbështetje.

E rëndësishme është që deri në moshën 25-vjeçare ju të keni mësuar se sa kohë duhet të shpenzoni pranë partnerit, si fillojnë zënkat në një marrëdhënie, sa të afërt dhe të kujdesshëm duhet të jeni me njërin-tjetrin, çfarë është dashuria dhe seksi, a ka ndryshim mes tyre etj. /Telegrafi/