Si të qëndroni të motivuar me programin e ecjes?

Një prej mënyrave më të mira për të qëndruar të motivuar (për të mos hequr dorë) nga ecja është të përfshini edhe të tjerë në shoqërimin tuaj.

Kërkoni prej anëtarëve të familjes, miqve dhe bashkëpunëtorëve të bashkohen me ju. Bashkohuni me ndonjë grup ose klub, ose shëtisni qenin çdo ditë.

* Blej një pedometër (matës të hapave) në ndonjë shitore të mirë sportive. Vendoseni çdo ditë dhe numëroni hapat. Herën e parë numëroni sa hapa bëni normalisht gjatë ditës. Caktoni qëllim vetes për rritjen e numrit çdo ditë ose javë. Tento të fillosh me një rritje nga 2 000 hapa në ditë, dhe ngadalë rriti në 10 000.
* Ftoi të tjerët të bashkohen me ju dhe caktoni qëllime në grup.
* Ec kudo që të mundesh. Në vend të qëndrimit para TV-së ose të dalësh për të ngrënë, dil për të ecur.
* Nëse koha është e keqe, mbath disa këpucë të rehatshme dhe ec disa xhiro brenda.
* Ec deri tek shitorja ushqimore, te vizitat mjekësore, puna, shkolla ose zonat për shoping.
* Ec nëpër fqinj ose nëpër park.
* Shënoi ecjet në kalendarin tuaj ditor. Shëtisni rregullisht.
* Mbathni këpucë dhe çorape komforte që mbrojnë këmbët tuaja.
* Pi ujë të mjaftueshëm. Merr një shishe me ujë me vete gjatë ecjes.
* Sigurohuni dhe njihni njerëzit që keni rreth e rrotull. Ecni në vende mirë të ndriçuara, të vende të sigurta. Mbani telefon mobil me veti për rast emergjence.
* Planifikoni shëtitje familjare për të ecur së bashku. Të qenit fizikisht aktiv me fëmijët paraqet një shembull të cilin ata do ta ndjekin kur të rriten. /Telegrafi/