Sëmundja e qëndrimit ulur

Sipas të gjitha gjasave tani jeni të ulur, duke lexuar këtë artikull. Dhe nëse jeni përdorues të kompjuterit, ju ndoshta jeni të ulur për një kohë më të gjatë.

Ndoshta jeni joaktiv në pjesën më të madhe të ditës, se sa që jeni në lëvizje? A uleni në automjetin tuaj, dhe e drejtoni atë me orë të tëra në një drejtim të caktuar me dëshirën tuaj? A vareni nga blerjet online dhe përdorimi i e-mailit, gjëra këto për të cilat është dashur të vraponi me kilometra para 10 apo 20 vitesh? Nëse është kështu atëherë keni sëmundjen e të qëndruarit ulur. Ky është termi i ri në shëndetësinë moderne, që rrezikon shëndetin tuaj.

Një studim mbi rritjen e trupit thotë se qëndrimi joaktiv për periudha të gjata kohore, rrit rrezikun e zhvillimit të sëmundjeve të zemrës, diabetit, kancerit dhe obezitetit. Sipas studiuesve australianë, çdo orë e shpenzuar para TV-së, rrit për 18 % rrezikun e vdekjes nga sëmundjet kardiovaskulare, ndoshta për arsye se kohën e kaluar jeni duke qëndruar ulur.

Sipas ekspertëve, qeniet njerëzore janë qenie që ecin dhe qenie që eksplorojnë botën në këmbë. Gjëja më e çuditshme sipas tyre është se shumica e njerëzve e kalojnë kohën të ngjitur për karrige. Është një lloj i ngurtësimit fizik.

Për të mposhtur sëmundjet e të qëndruarit ulur, kemi disa mënyra, por natyrisht, esenca qëndron në rritjen e aktivitetit fizik, qoftë minor apo në suaza më të mëdha. /Telegrafi/