Dallime të mëdha në shëndetin e të pasurve dhe të varfërve

Ekspertët nga OBSH (Organizata Botërore e Shëndetësisë) kanë paralajmëruar se dallimi i jetëgjatësisë ndërmjet njerëzve të cilët jetojnë në vendet e pasura dhe ata që jetojnë në vendet më të varfra, mund të jetë deri në 40 vjet.

OBSH ka analizuar globalizimin e shpejtë, mbrojtjen shëndetësore në vendet e ndryshme, krijimin e shprehive jetësore të pashëndetshme, urbanizimin e paplanifikuar dhe plakjen e përgjithshme të popullatës, që mund të sjellin deri te rritja drastike e sëmundjeve kronike dhe nevojave për trajtimin për një kohë të gjatë të të sëmurëve.

Të dhënat tregojnë se dallimet ndërmjet kualitetit të mbrojtjes shëndetësore tash dallojnë si në vendet e pasura po ashtu edhe në vendet e varfra. Është llogaritur se mbrojtja shëndetësore në vende të ndryshme variron nga 20 deri në 6.000 dollarë amerikanë,

Kujdesi shëndetësor ndërkohë është konsideruar shumë i dobët në Afrikë, ku brenda vitit p.sh vetëm në kryeqytetin e Kenias, Nairobi, vdesin deri në 1.000 fëmijë deri në moshë pesëvjeçare.

Ekspertët e OBSH-së, pohojnë se nëse zhvillohen në mënyrë kualitative masat shëndetësore, atëherë më shumë se 70% e sëmundjeve në këto vende mund të parandalohen.