Cilat atribute mashkullore u pëlqejnë femrave

Krahët muskulor, supet e forta, shikimi depërtues dhe buzët e lëngshme janë disa nga karakteristikat e meshkujve të cilat i çmendin femrat. Natyrisht, këtu duhet përmendur edhe prapanicën e cila duhet të jetë e vogël dhe e fortë. Megjithatë kur flitet për dashurinë e vërtetë, shumica e femrave do të pajtohen me faktin se atyre u pëlqen gjithçka te i dashuri i tyre.

Sytë depërtues
Natyra i ka bërë meshkujt me sy të mëdhenj të depërtueshëm, me qerpikë të gjatë dhe me vetulla të trasha. Shikimi i fshehtë dhe tërheqës mund ta bëjë për vete secilën femër. Gjëja e parë të cilën femrat e vërejnë te një mashkull janë sytë, ndërsa nëse janë depërtues dhe provokues, suksesi është i garantuar.

Buzët e bukura
Nuk vuajnë vetëm meshkujt për buzët e Angelina Joliet. Edhe femrave u pëlqejnë meshkujt me buzë të trasha dhe të lëngshme, jo vetëm se duken bukur, por edhe për disa kënaqësi intime që mund t’u ofrojnë atyre. Rrallë ndonjë femër do t’i refuzonte buzët e ngjashme me të Brad Pittit, megjithatë femrat nuk janë shumë kritikuese dhe do t’i pranonin edhe buzët e vogla të ngjashme me zemërthyesin hollivudian, Matthew Mcconaughey.

Supet e forta dhe të formuara mirë
Një hulumtim ka treguar se ajo që u pëlqen më së shumti femrave te një mashkull është mënyra e ecjes duke i lëvizur supet. Femrat pajtohen se supet e gjëra dhe të formuara mirë janë shenjë e fuqisë dhe vetisë mashkullore, dhe të tillë meshkuj i joshin ato.

Gjoksi i fuqishëm
Sikurse meshkujt edhe femrat e kanë pikë të dobët gjoksin. Mirëpo, për dallim nga meshkujt të cilët shkrihen nga silikonet, atyre u pëlqen gjoksi i fuqishëm natyror i meshkujve. Mënyra se si u rijnë meshkujve fanellat dhe kamishat mbi gjoks tregon shumë për atë se çfarë fsheh mashkulli nën to.

Bicepsi i fryrë
Tregon fuqinë, mirëpo është edhe shenjë se mashkulli kujdeset për trupin e tij. Krahët e fortë të meshkujve i magjepsin femrat të cilat vazhdimisht mendojnë për duart e fuqishme të meshkujve, të cilat do t’i bartnin deri në dhomën e gjumit dhe do t’ua plotësonin të gjitha fantazitë.

Barku i rrafsh
Barku i mashkullit nuk duhet patjetër të jetë i fortë dhe me muskuj, mirëpo është e domosdoshme të jetë i rrafsh dhe i butë. Barku i trashë nuk është seksi. Edhe barku me muskuj të shumtë, jep përshtypjen e një narcisti i cili ushtron tërë ditën për ta parë veten në pasqyrë.

Prapanica e mirë
Lidhur me çështjen e dukjes së pasme, duket se femrat nuk dallojnë shumë nga meshkujt. Edhe atyre u pëlqen prapanica e bukur e mashkullit. Megjithëse femrave u pëlqejnë prapanicat e të gjitha madhësive, shumica e tyre preferon prapanicën e vogël dhe të fortë.