Vdes mjeshtri i klarinetës, Laver Bariu

Është ndarë nga jeta në moshën 85 vjeçare mjeshtri i klarinetës, Laver Bariu.

Personaliteti i shquar i muzikës popullore shqiptare si muzicient popullor me gërnetë dhe si këngëtar, Laver Bariu, lindi në Përmet më 2 maj 1029 në një familje muzikantësh. Ai është themelues dhe drejtues i Sazeve të Përmetit të njohura në gjithë Shqipërinë dhe jashtë saj.

Në mars të vitit 2001 ai u dekorua nga Presidenti i Republikës me titullin “Mjeshtër i madh i punës” me motivacionin “për mjeshtërinë në interpretimin e vlerave të muzikës popullore dhe përcjelljen në popull të këtyre vlerave”.

Në vitin 2001, me vendim të Këshillit Bashkiak të qytetit të Përmetit, Usta Laveri u shpall “Qytetar nderi” i Përmetit, krahas Vëllezërve Frashëri, Odhise Paskalit dhe Mentor Xhemalit.

Mjeshtri i madh la gjurmët e tij edhe në kinematografi, pasi në vitin 1977 interpretoi dhe regjistroi të gjithë materialet e filmit “Gjeneral Gramafoni”, ndërsa në vitin 1989 u bë protagonist i i filmit dokumentar muzikor të Kinostudios “Shqipëria e Re”, “Këngët e zemrës”. /Telegrafi/Shqip/