HP prezanton dy modele të fabletëve

Ditëve të fundit disa herë është thënë se kompania HP është duke hyrë në tregun e pajisjeve mobile, ndërsa parashikimet kanë rezultuar të jenë të sakta, pasi që kompania tashmë ka prezantuar dy fablet të ri me të cilët ka thënë se fillimisht do të debutojë në Indi.

Të dy modelet e fabletëve, përkatësisht HP Slate 6 VoiceTab dhe HP Slate 7 Voicetab, vijnë me diagonale të ekranit prej 6 dhe 7 inç, respektivisht.

Secili prej fabletëve do të vijë me karakteristika të ngjashme dhe do të bazohen në Android 4.2 Jelly Bean. Fableti me ekranin prej 6 inçësh do të ketë rezolucionin prej 1280 x 720 pikselëve, ndërsa modeli me ekranin 7 inç do ta ketë rezolucionin prej 1280 x 800 pikselëve.

HP ka vendosur që modelet e reja të fabletëve të saj fillimisht ti lansojë në Indi, për shkak të madhësisë së tregut dhe kërkesave në rritje, ndërsa njëri prej ekzekutivëve të kompanisë ka thënë se tregu i Indisë ka një nevojë të cilën ne po synojmë ta plotësojmë.
HP nuk ka dhënë detaje për çmimet e fabletëve të saj të rinj, e as një datë të mundshme të lansimit të pajisjeve të saj mobile në SHBA apo Evropë. / Telegrafi /