Hakerët vijnë lehtë deri tek të dhënat në Xbox

Shitja e konsolave të përdorura për lojëra ndoshta edhe nuk është vendim i mirë nëse më parë nuk ndërmerren ca masa të sigurisë, sidomos nëse bëhet fjalë për një Xbox.

Në të vërtetë, një haker i shkathtë, me disa vegla të zakonshme, shumë lehtë mund të vijë deri tek të dhënat e shfrytëzuesve të konsolës, madje edhe kur konsola është resetuar në vlerat nga fabrika.

Shkencëtarët nga Drexel University me sukses kanë nxjerr të dhëna të ndjeshme nga një konsolë e përdorur. Ashley-Podhradsky thotë se, përderisa nxjerrja e të dhënave nga vet sistemi i konsolës është e vështirë, nuk mund të themi se Microsoft ka bërë ndonjë tentim shtesë për të mbrojtur të dhënat e shfrytëzuesve të konsolës. Ata me sukses kanë nxjerrë të dhënat rreth kartës së kreditit dhe informatat tjera për shfrytëzuesin.

Një mbrojtje relativisht e sigurt është lidhja e diskut të fortë të konsolës në kompjuter dha fshirja e të dhënave me veglat speciale me të cilat disku do të rishkruhet me zero dhe kështu që kthehet në gjendjen e “pastërtisë” origjinale. /Telegrafi/