Ministër, mos vjedh!
Hajduti nuk mund të bëhet ministër, por ministri mund të bëhet i tillë, edhe pse më vonë doli se ministri qysh herët kishte qenë hajdut.
Edhe ministër edhe hajdut, sikurse edhe e bukur edhe tradhtare! Sa shpejtë ministri mund të bëhet hajdut, kurse hajdutët këtë e shikojnë me xhelozi, se përse nuk mund të bëhen ministra. Kësisoj del se për t’u bërë ministër do të duhej të mos kesh vepra paraprake të hajnisë, kurse pastaj imuniteti qeveritar mund ta mbulojë edhe këtë veprimtari të shëmtuar. Njëlloj, edhe vajzat e bukura mund të bëhet tradhtare, por tradhtaret assesi s’mund të bëhen të bukura, ngase tradhtia i shëmton njerëzit e bukur, ashtu siç shëmtohen ministrat në çastin kur vjedhin.
Le të vjedhin ore, mos vallë mua më vjedh, le ta vjedhin shtetin, i lumtë për këtë vepër, – fjalë dhe fjali që kalërojnë lirshëm në mendësinë e shoqërisë sonë. Kurse pas pak, po të njëjtit persona, i dëgjojmë duke u ankuar për gjendjen e vështirë socio-ekonomike, pse jo edhe kombëtare. Këta i harrojnë pohimet e tyre, thuajse vjedhja e zyrtarëve e dëmton vetëm shtetin dhe shteti nuk përkon fare me neve, duke harruar se shtetin e përbëjmë të gjithë, pavarësisht trajtimi i tij kundrejt neve. Kështu që, nëse shteti i kanalizon mjetet e arkëtuara prej grumbullimit të tatimit në xhepin e majtë të pantallonave, atëherë kundërpërgjigja jonë nuk duhet të jetë e njëjtë me të shtetit, por zhurmim të pandalshëm për këtë lloj të kriminalitetit, ngase duke e vjedh shtetin s’kemi bërë gjë tjetër, pos arsyetim të atyre vjedhjeve.
Kështu, Lëvizja Vetëvendosje, korrupsionit të lartë nuk iu përgjigj me korrupsion, por me protestë masive, motoja e së cilës ishte shumë e thjeshtë dhe e qartë, “Kundër hajnisë”! Madje kjo njëherësh ishte vetë alternativa dalëse prej kësaj balte të gjallë, që guximshëm vazhdon të gurgulloj në Kosovë, edhe pse zëvendëskryeministri në prononcimin e tij, potencoi se ‘neve në rend të parë na duhen alternativat, e jo protesta të atilla’, por ai s’kishte arritur dot ta kuptojë (edhe pse bëhet fjalë për një profesor të përgatitur) se alternativa e vetme që vendi të ecë përpara është të largohemi prej hajnisë zyrtare dhe jozyrtare.
Korrupsioni i lartë në Kosovë e dëmton dhe frenon thellë aspiratën e shtet-ndërtimit dhe shtet-zhvillimit të saj, faktor që reflektojnë edhe në kushtet e pranimit të këtij vendi në BE dhe NATO. Megjithëkëtë privim, shteti i Maqedonisë, i cili për nga kultivimi dhe vjelja e korrupsionit radhitet me shtetet e Afrikës, përskaj privimit të këtyre dyerve të mëdha, ai ka gjasë që së shpejti të shndërrohet në revoltë të padurueshme, me theks të veçantë te shqiptarët, sepse artikulimi i kërkesave legjitimi prej shqiptarëve, po hasë në një digë të çeliktë, që e kishte krijuar përdorimi i ngjeshur i korrupsionit dhe mishërimi i funksionarëve shqiptarë me këtë dukuri të qelbur.
Nuk dua ta akuzojë asnjë ministër shqiptar për pranim të ryshfetit, në vend të kësaj dua që ta sugjeroj ministrin shqiptar, se po deshi që kërkesat e tij të mos zihen në rrjetin e kryeministrit të vendit, atëherë të mos vjedh, gjegjësisht, të mos i jep shkas atyre që na duan vetëm të keqen, që t’ia venitin kërkesën bujare të tij, kërkesë që ka të bëjë me arritjen e mirëqenies sonë, duke e kërcënuar me këtë lloj akuze të pazbuluar sa herë që ministri jonë ta hap gojën për brengat tona.
Ministri i ndershëm, përpos që do ta vërtetoj dhe dëshmojë se rrjedh prej një familje fisnike, ai ka mundësi që shumë të punojë për çështjen shqiptare në Maqedoni, sepse askush nuk do të mund që ta kërcënojë me hapje të dosjeve kriminale, mbase ka mundësi që vetë ai t’ia mbyll gojën të korruptuarve tjerë, duke i kërcënuar me rrapëllima të zhurmshme, qëllimi i së cilave është, që ky tingull të dëgjohet në Bruksel dhe gjetiu. Nëse ndodh e kundërta, pra, në vend të artikulimit të lirë të brengave dhe halleve tona, atëherë mos pritni dëshmi për akuza dhe afera të korrupsionit dhe krimit ekonomik, sepse për një gjë të tillë, vetë ju jeni dëshmia, vetë ju jeni krijuesit e nyjës së pazgjidhshme kombëtare. Dhashë Zoti që kësaj herë t’i shporrni të gjitha nyjat në Malet Karpate, kuptohet bashkë me krijuesit e atyre nyjave!
(Autori është magjistër i Studimeve të Sigurisë)
Promo
Reklamo këtuLufta Prigozhin - Putin
Më shumëNga Rubrika
Kosova dhe Këshilli i Evropës: Një hap tjetër prapa në integrimin ndërkombëtar
Dështimi i NATO-s për ta shpëtuar Ukrainën, shtron pyetjen ekzistenciale: Për çfarë ekziston?
Aleatët e Robert Fico kërcënojnë me luftë – me shpërbërjen e demokracisë sonë
Policia dhe ATK me aksion në veri, mbyllin gjashtë njësi të ashtuquajturës "Banka Postare Kursimore"
Banorët e pallatit ku jetojnë njëzet mijë banorë nuk kanë nevojë të zbresin në tokë për javë të tëra
Rikthehet industria ushtarake, Shqipëria do të prodhojë armë
I penduar, Meriton Mjekiqi i kërkon falje publike ish-banores së Big Brother VIP Albania
Policia në kërkim të një burri dhe një gruaje nga Prizreni - dyshohen për veprën penale “Shpërdorim i pasurisë së huaj ”
Zbulohet plani i Carlo Ancelottit për Arda Guler
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit